Баянгол дүүргийн 57-р цэцэрлэгийн туслах багш бага насны хүүхэд зодож байгаа бичлэг олон нийтийн сүлжээнд цацагдсан. Энэ явдал нь өчигдөр буюу арваннэгдүгээр сарын 18-нд болжээ. Тодруулбал, “Баянгол дүүргийн 11 дүгээр хорооны нутаг дэвсгэрт байрлах цэцэрлэгийн ахлах Б бүлгийн багшийн туслах 4 нас 9 сартай хүүхдийг удаа дараа зодож, хэрцгий хандсан байна гэх дуудлага цагдаагийн байгууллагад бүртгэгджээ. Дээрх гомдол мэдээллийг хүлээн авч Баянгол дүүргийн цагдаагийн нэгдүгээр хэлтэст мөрдөн шалгах ажиллагааг явуулж байна гэдэг мэдээллийг цагдаагийн байгууллагаас өглөө.