Америкийн реппер Кендрик Ламар өнгөрсөн долоо хоногийн сүүлээр “GNX” хэмээх бүрэн хэмжээний цомгоо өөрийн сошиал хуудсууддаа ямар нэгэн албан ёсны мэдэгдэл хийж, цаг тов зарлалгүй цацаж, шүтэн бишрэгч сонсогч нартаа гэнэтийн бэлэг барилаа.

Кендрик Ламарын 6 дахь бүрэн хэмжээний студийн цомог болон гарч байгаа тус цомог нийт 12 дуутай, 44 минут 20 секунд үргэлжилдэг бөгөөд Америкийн r&b дуучин SZA, реппер Dody6, Lefty Gunplay, Roddy Rich, Hitta J3,  жазз саксофон хөгжимчин Kamasi Washington зэрэг олон уран бүтээлчидтэй хамтран ажиллажээ.

Комптоноос гаралтай реппер Кендрик Ламар энэ жил Америк хөл бөмбөгийн Super Bowl тэмцээний дундуурх шоу тоглолтонд оролцож, мөн Канадын реппер Drake-тэй дисс дуунуудаараа өрсөлдөж, нэлээн дуулиан шуугиан тариад амжсан.

Түүний Drake-ийн эсрэг дисс хийж цацсан дуунууд дотроос “Not Like Us” хэмээх дуу нь Spotify платформын рекордыг эвдэж, нэг өдрийн дотор хамгийн олон тоогоор тоглогдсон хип хоп дууны дээд амжилтыг тогтоож байсан. Тэгээд зогсохгүй Америкийн шилдэг дууны Биллборд жагсаалтыг тэргүүлж, Их Британийн Uk chart-ийн 6 дугаар байр хүртлээ өгссөн юм.