Төвийн бүсийн эрчим хүчний систем чадлын дутагдалд орж, хэрэглэгчдээ цахилгаанаар нэгэн зэрэг хангаж чадахгүй болжээ. Үүнтэй холбогдуулан, Хөвсгөл аймгийн Арбулаг, Алаг-Эрдэнэ, Баянзүрх, Рэнчинлхүмбэ, Улаан-Уул, Цагааннуур, Цагаан-Үүр, Цагаан-Уул, Цэцэрлэг, Түнэл, Чандмань, Хатгал сум, аймгийн төв буюу Мөрөн сумын 9-14 дүгээр хороо, Хөхтолгой, Хонхорын цахилгааныг тодорхойгүй хугацаагаар хязгаарлаж эхэллээ. Диспетчерийн үндэсний төвийн шийдвэрээр “Хөвсгөл-Эрчим хүч” компани ийм хязгаарлалт хийж байгаа аж.