Мэргэжлийн уран бүтээлчид, кино шүүмжлэгчдээс өндөр үнэлгээ аваад байгаа “Эрдэнэсийн арал” уран сайхны кино бүх кино театраар гарч байна. Киноны багийнхан шинэ оны бэлэг болгон “Эрдэнэсийн хайрцаг” нэртэй 3 сая төгрөгийн азтан шалгаруулах уралдаан зарлаад буй. Үзэгчид “Өргөө 1”, “Синеманекст”, “Тэнгис” кино театрт “Эрдэнэсийн арал” киног үзээд, тасалбар дээрээ утасны дугаараа бичин, “Эрдэнэсийн хайрцаг”-т хийж, сугалаанд оролцох юм.

Өнөөгийн нийгмийн бодит амьдралыг харуулахыг зорьсон тус кино гэмт хэрэг, адал явдалт, триллер жанрынх. Гол дүрд Наранмөнх, Хунцэнгүүн нар тоглож, туслах дүрүүдийг Цэрэнболд, Эрхэмбаяр, Батнямбуу, Энэрэл, Жанчив нар бүтээсэн юм. Тус киноны багт мэргэжлийн уран бүтээлчид ажилласан гэдгээрээ онцлогтой.

Энэ киноны дууг “Gang bay” хамтлагийн артист Ганбат, Баянмөнх , Амархүү нар Карма, Эрдэнэс нэртэйгээр дуулсан юм.