<p>Монгол Улсын Ерөнхийлөгч У.Хүрэлсүх Хавдар судлалын үндэсний хоёрдугаар төв барих газарт ажиллалаа.</p> <blockquote class="wp-block-quote is-layout-flow wp-block-quote-is-layout-flow"> <p>Хавдрын урьдчилан сэргийлэлт, оношилгоо, эмчилгээ, эрдэм шинжилгээ сургалтын цогцолбор бүхий хоёрдугаар төвийг Сонгинохайрхан дүүргийн 34 дүгээр хороо, Баянголын аманд 2-3 жилийн дотор ашиглалтад оруулахаар төлөвлөж байна.</p> </blockquote> <p>Нийт 15 газарт, 95 мянган м.кв талбай бүхий энэ төвийн дэд бүтцийг барихад шаардагдах хөрөнгийг энэ оны улсын төсөвт тусгасан. Мөн төвд ажиллах 1,500 эмч, ажиллагсдыг ирэх сараас АНУ-ын Ютагийн их сургуультай хамтран сургаж эхлэх юм.</p> <p><strong><em>Ерөнхийлөгч У.Хүрэлсүх хавдрын өвчлөлөөс урьдчилан сэргийлэх, нас баралтыг бууруулахад чухал хувь нэмэр оруулах энэ төвийг аль болох богино хугацаанд барьж, ашиглалтад оруулахын төлөө хичээж ажиллахыг захилаа.</em></strong></p> <figure class="wp-block-image size-large"><img loading="lazy" decoding="async" width="1024" height="683" src="https://admin.time.mn/wp-content/uploads/2025/01/472448678_3013678415449008_3365167558191909010_n-1024x683.jpg" alt="" class="wp-image-74532" srcset="https://admin.time.mn/wp-content/uploads/2025/01/472448678_3013678415449008_3365167558191909010_n-1024x683.jpg 1024w, https://admin.time.mn/wp-content/uploads/2025/01/472448678_3013678415449008_3365167558191909010_n-300x200.jpg 300w, https://admin.time.mn/wp-content/uploads/2025/01/472448678_3013678415449008_3365167558191909010_n-768x512.jpg 768w, https://admin.time.mn/wp-content/uploads/2025/01/472448678_3013678415449008_3365167558191909010_n-1536x1025.jpg 1536w, https://admin.time.mn/wp-content/uploads/2025/01/472448678_3013678415449008_3365167558191909010_n.jpg 2048w" sizes="auto, (max-width: 1024px) 100vw, 1024px" /></figure> <p><em>Манай улсад жилд 7,000 хүн хорт хавдраар өвчилж, 4,500 хүн нас бардаг бөгөөд байдал энэ хэвээр үргэлжилбэл 2040 он гэхэд өвчлөл хоёр дахин нэмэгдэнэ гэсэн тооцооллыг ДЭМБ хийгээд байна.</em></p> <p>Хавдрын шалтгаант нас баралт нийт нас баралттай харьцуулахад дэлхийд 17 хувьтай байхад манайд 24 хувьтай төдийгүй, хорт хавдраар өвдсөн иргэдийн 70 орчим хувь нь хожуу шатандаа оношлогддог.</p> <p>Цаашид иргэдийг эрт илрүүлэгт хамруулах, иргэд амьдарч байгаа бүс нутагтаа хавдрын эсрэг эмнэлгийн тусламж, үйлчилгээ авдаг болох, хавдраас шалтгаалсан нас баралтыг бууруулах бодлого барьж байна.</p> <p>Энэ үүднээс Хавдар судлалын үндэсний төвийг өргөтгөх, аймгуудын&nbsp; эмнэлгийг техник, тоног төхөөрөмжөөр хангах хөрөнгийг улс, орон нутгийн төсөвт тусгажээ.</p> <figure class="wp-block-image size-full"><img loading="lazy" decoding="async" width="1024" height="683" src="https://admin.time.mn/wp-content/uploads/2025/01/471327508_1576741472960269_3041497625036441801_n-1024x683-1.jpg" alt="" class="wp-image-74533" srcset="https://admin.time.mn/wp-content/uploads/2025/01/471327508_1576741472960269_3041497625036441801_n-1024x683-1.jpg 1024w, https://admin.time.mn/wp-content/uploads/2025/01/471327508_1576741472960269_3041497625036441801_n-1024x683-1-300x200.jpg 300w, https://admin.time.mn/wp-content/uploads/2025/01/471327508_1576741472960269_3041497625036441801_n-1024x683-1-768x512.jpg 768w" sizes="auto, (max-width: 1024px) 100vw, 1024px" /></figure>