Монгол Улсын иргэн Л.Д, Х.Н нар Бүгд Найрамдах Турк Улсаас 239.4 грамм мансууруулах бодис бусдын дайвар ачаанд нуун, Монгол Улсын хилээр хууль бусаар оруулж ирсэн байна. Тэд үүнийгээ бусдад худалдах зорилгоор хүлээн авч, хадгалсан аж.
Тэдэнд холбогдох хэрэгт улсын яллагч Эрүүгийн хуулийн 20.7 дугаар зүйлийн 2 /Мансууруулах эм, сэтгэцэд нөлөөт бодисыг хууль бусаар ашиглах/-т зааснаар яллах дүгнэлт үйлдэж, Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд шилжүүлсэн байна.