Өрхийн эрүүл мэндийн төвд нийтийн албан тушаалтнаар ажиллаж байсан Н.Э эрх мэдэл, албан тушаалын байдлаа урвуулан ашиглаж, бусдыг дадлагажигч эмчээр томилжээ. Түүний томилсон дадлагажигч эмч ажил эрхлээгүй байхад, түүнд улсын төсвөөс 24.5 сая төгрөгийн цалин олгосон байна. Бусдыг хөдөлмөр эрхлээгүй байхад цалин олгохоор шийдвэрлэн, 13 сая төгрөг шилжүүлэн авч, өөртөө болон бусдад давуу байдал бий болгосон энэ хэрэгт улсын яллагч Эрүүгийн хуулийн 22.1 дүгээр зүйлийн 2 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн, Баянзүрх дүүргийн Эрүүгийн хэргийн анхан шатны шүүхэд шилжүүллээ.