horoscope
horoscope
horoscope
Odmundur radio - FM 83.3/107
userХ. Болормаа

Сумын эмч эмнэлэгтээ амьдарч байна

post-img

Төв аймгийн Баян сумын Эрүүл мэндийн төв 3 багийн 1975 иргэнд эрүүл мэндийн анхан шатны тусламж, үйлчилгээ үзүүлж байна. 15 орон тоотой энэ эмнэлэгт одоо эмч, сувилагч, эмзүйчийн орон тоо дутагдалтай байгаа аж. Энэ нь хэвийн үйл ажиллагаа явуулахад хүндрэл үүсгэдэг байна.
Барилга нь анх зочид буудлын зориулалтаар баригдсан тул чанар, стандартын шаардлага хангадаггүй тухай тус эмнэлгийн эрхлэгч Д.Отгонбаяр аймгийнхаа ИТХ-ын дарга Н.Энхболд тэргүүтэй төлөөлөгчдөд ярьжээ.
Их эмч Д.Отгонбаяр Баян суманд ирээд, 4 дэх жилээ ажиллаж байгаа аж. Тус сум төрийн албан хаагчдад зориулсан байргүй. Тиймээс уг эмч одоогоор эмнэлэгтээ байрлан амьдарч байгаа аж.

Тус сумын удирдлагууд сургуулийн хуучин дотуур байрыг засан, төрийн албан хаагчийн байр болгохоор төлөвлөж байгаа аж. Тус аймгийн ИТХ сумдаар явж, “Иргэдээ сонсъё” өдөрлөг зохион байгуулж байгаа юм байна.

0/1000