Иргэн А.Г нь Бүгд Найрамдах Сьерра Леон Улсын 7 иргэнд давуу байдал бий болгох, Монгол Улсаас гаргахгүй байх зорилгоор Гадаад иргэн харьяатын газрын хяналтын улсын байцаагчид хахууль санал болгосон байна. Энэ хэргийг АТГ шалгаад, шүүхэд шилжүүлэх саналтайгаар прокурорт шилжүүлжээ. Нийслэлийн Прокурорын газар уг иргэнд Эрүүгийн хуулийн 22.5 дугаар зүйлийн 1 /Хахууль өгөх/-т зааснаар яллах дүгнэлт үйлдэн, Дүүргийн эрүү, иргэний хялбар ажиллагааны тойргийн шүүхэд шилжүүлсэн байна.