<p>Өмнөд Солонгосын жүжигчин Ким Сэ Роныг Сөүл хотын Сондонг-гу дахь гэрээс нь нас барсан байдалтай олсон тухай мэдээлэл Ням гарагт цацагдсан. Тэгвэл өнөөдөр түүнийг оршуулах ёслол 06:20 цагт Сөүл хотын Сонгпа-гу дахь &#8220;Сөүл-Асан&#8221; эрүүл мэндийн төвийн оршуулгын танхимд боллоо.</p> <p>Оршуулгад оролцсон хүмүүсийн дунд AB6IX хамтлагийн Пак Вүүжин, жүжигчин, дуучин Квон Хён Бин нар байсан бөгөөд тэд Ким Сэ Ронтой дотно нөхөрлөж байсан гэдгээрээ алдартай.</p> <p>Оршуулах ёслол Солонгосын уламжлалаар ихэвчлэн гурван өдөр үргэлжилдэг. Гурван өдөр үргэлжилсэн оршуулгын ёслолд AKMU-ийн Ли Су Хён, жүжигчин Хан Со Хи, Вон Бин нарын алдартнууд оролцож, эмгэнэл илэрхийлэв.</p> <figure class="wp-block-gallery has-nested-images columns-default is-cropped wp-block-gallery-1 is-layout-flex wp-block-gallery-is-layout-flex"> <figure class="wp-block-image size-large"><img loading="lazy" decoding="async" width="680" height="397" data-id="81309" src="https://admin.time.mn/wp-content/uploads/2025/02/kim-sae-ron-funeral-19202025.webp" alt="" class="wp-image-81309" srcset="https://admin.time.mn/wp-content/uploads/2025/02/kim-sae-ron-funeral-19202025.webp 680w, https://admin.time.mn/wp-content/uploads/2025/02/kim-sae-ron-funeral-19202025-300x175.webp 300w" sizes="auto, (max-width: 680px) 100vw, 680px" /></figure> <figure class="wp-block-image size-large"><img loading="lazy" decoding="async" width="1024" height="768" data-id="81312" src="https://admin.time.mn/wp-content/uploads/2025/02/Kim-Wpn-Bin_67b46c616785a-1024x768.webp" alt="" class="wp-image-81312" srcset="https://admin.time.mn/wp-content/uploads/2025/02/Kim-Wpn-Bin_67b46c616785a-1024x768.webp 1024w, https://admin.time.mn/wp-content/uploads/2025/02/Kim-Wpn-Bin_67b46c616785a-300x225.webp 300w, https://admin.time.mn/wp-content/uploads/2025/02/Kim-Wpn-Bin_67b46c616785a-768x576.webp 768w, https://admin.time.mn/wp-content/uploads/2025/02/Kim-Wpn-Bin_67b46c616785a.webp 1200w" sizes="auto, (max-width: 1024px) 100vw, 1024px" /></figure> </figure> <p>Мөн өөрийн биеэр оролцох боломжгүй байсан салбарын зарим алдартан оршуулгын танхимд цэцэг явуулж, эмгэнэл илэрхийлсэн байна. Тэдний дунд дуучин, жүжигчин IU, жүжигчин Ма Дун Сок, &#8220;FT Island&#8221; хамтлаг, жүжигчин Гон Мён (Kim Dong-Hyun), И На Ён болон талийгаач Мүн Биний ар гэрийнхэн, мөн ASTRO хамтлагийн гишүүд байжээ.</p> <p>     Ким Сэ Роныг 2-р сарын 16-ны өдөр Сөүл хотын Сондонг-гу дахь гэртээ нас барсан байхыг олсон. Цагдаагийн газар гэрт нь үзлэг хийгээд, гаднаас гэрт нь халдсан ул мөр байхгүй, амиа хорлосон гэж үзээд буй. Гэсэн ч түүний гэрээс ямар нэгэн гэрээслэл олдоогүй. Тэрээр 24 настай байсан юм.</p>