Зөрчлийн тухай хуулийн 14.7 дугаар зүйлд заасан Замын хөдөлгөөний аюулгүй байдлын тухай хууль зөрчих зөрчлийг замын хяналтын камер, тоног төхөөрөмжөөр илрүүлэн, тухайн тээврийн хэрэгсэл эзэмшигч, өмчлөгчид шийтгэл оногдуулдаг. Энэ шийтгэлийг тээврийн хэрэгслийн эзэмшигч, өмчлөгч нар хэр биелүүлдгийг Улсын ерөнхий прокурорын газар судалжээ.   

Иргэд банк бус санхүүгийн байгууллагын зээлээр тээврийн хэрэгсэл худалдан авахад, Авто тээврийн үндэсний төв уг тээврийн хэрэгслийн эзэмшигчээр тухайн банк бус санхүүгийн байгууллагыг бүртгэдэг. Гэтэл уг тээврийн хэрэгслийн жолооч замын хөдөлгөөний дүрэм зөрчвөл уг жолоочид биш, эзэмшигч банк бус санхүүгийн байгууллагад шийтгэл оногдуулдаг. УЕПГ-ын судалгаагаар Зөрчлийн тухай хууль хэрэгжиж эхэлснээс хойш жолоочийн гаргасан зөрчлийн улмаас банк бус санхүүгийн 335 байгууллагад 17.664 удаа 439.738.000 төгрөгийн, мөнгөн зээлийн үйл ажиллагаа эрхлэгч 98 хүнд 13.515 удаа 327.654.000 төгрөгөөр торгуулжээ. Энэ нь ББСБ, зээл олгогчдод ихээхэн хүндрэл учруулдаг юм байна.