Дархан-Уул аймгийн иргэн Б.Энхболд, Ц.Алтанчимэг нар 2 хүүхэдтэйгээ хамт Монгол Улсын 21 аймаг, 330 сумаар аялахаар энэ сарын 8-нд замд гарлаа. Тэд 2 жилийн хугацаанд Монгол орноо тойрон аялахаар төлөвлөжээ.
Тэд аяллаа Өвөрхангай аймгаас эхлэн, төв болон баруун аймгуудаар энэ онд үргэлжлүүлнэ. Дараа жил зүүн болон говийн аймгуудаар нийт 57 мянга гаруй км зам туулах юм. Эдний гэр бүл Япон улсад үйлдвэрлэсэн “Хайес” маркийн машиныг тохижуулан, зурагт, радио, 220 Вт цахилгаан гаргах үүсгүүр, хөргөгч, ор суурилуулжээ. Сум бүрт нэг хонон, сумдын ойн медаль, ном, товхимол цуглуулж, аяллаа дууссаны дараа ном бичихээр энэ гэр бүл төлөвлөсөн аж.