Улаанбаатар хотод өчигдөр (2025.03.10) орой 18:25-18:31 цагийн хооронд анхны бороо орсон тухай Ус, цаг уурын хүрээлэн мэдээллээ. 6 минут үргэлжилсэн уг бороог Улаанбаатар цаг уурын өртөө тэмдэглэж авчээ.

Өглөөний 08:00 цагийн байдлаар Монгол орны ихэнх нутгаар салхи шуургатай байна. Салхины хурд секүндэд 6-11 метр, говь, тал, хээрийн нутгаар секүндэд 18-20 метр, зарим үед секүндэд 24 метрийг давж ширүүсэн, нутгийн өмнөд хэсгээр шороон шуурга шуурна.