3 дугаар сарын 11-нд жүжигчин Ким Сү Хёны “Gold medalist” агентлаг түүнийг талийгаач Ким Сэ Ронтой хайр сэтгэлийн холбоотой байсан гэх мэдээллийг эрс няцаалаа. Тус агентлаг албан ёсны мэдэгдэл гаргаж, дээрх мэдээллийг “илэрхий худал” гэж үгүйсгэв.

3 дугаар сарын 10-нд “Gare Sero Research” youtube сувгаар жүжигчин Ким Сү Хён 27 настай байхдаа 15 настай жүжигчин Ким Сэ Ронтой болзож байсан. Тодруулбал Ким Сэ Рон Ким Сү Хёнтой 2015 оны 11 дүгээр сарын 19-нөөс 2021 оны 7дугаар сарын 7 хүртэл үерхэж байсан гэж мэдэгджээ. Харин жүжигчин Ким Сү Хёны агентлаг эдгээр мэдэгдлийг эрс няцааж, “Ким Сү Хён 15 настай Ким Сае Ронтой хайр сэтгэлийн холбоотой байсан гэх мэдээлэл нь огт худал бөгөөд ор үндэсгүй юм” гэжээ. Ташрамд дурдахад Youtube сувгаар цацагдсан дээрх мэдээллийг талийгаачийн эгч өгсөн гэх мэдээлэл цацагдаад буй.

Харин энэ мэдэгдлийн хариуд Ким Сү Хёны агентлагаас албан ёсны мэдэгдэл гаргасан байна. Тус агентлаг цаашид хуулийн дагуу арга хэмжээ авах төлөвлөгөөгөө зарлаж, “Ийм худал мэдээлэл тараасан хүмүүс хамгийн хатуу хуулийн шийтгэлийг авах хүртэх ёстой гэж мэдэгджээ. Мөн тус агентлаг Ким Сэ Роныг нас барсанд эмгэнэл илэрхийлж, олон нийтийг худал цуурхал мэдээллээс зайлсхийхийг уриалав. Жүжигчин Ким Сэ Рон хоёрдугаар сарын 16-нд гэртээ нас барсан байдалтай олдсон бөгөөд эл өдөр нь жүжигчин Ким Сү Хёны төрсөн өдөр юм байна.