Өнөөдрийн Засгийн газрын ээлжит хуралдаанаар Эгийн голын усан цахилгаан станцын туслах далангийн ТЭЗҮ боловсруулах зардлыг баталсан байна.
Энэ талаар УИХ-ын гишүүн С.Одонтуяа мэдээлэл өглөө. Тэрбээр “Эгийн голын усан цахилгаан станцын төслийг хэрэгжүүлэх тухай анх 1964 онд яригдаж эхэлсэн. Үүнээс хойш хойш үе үеийн Засгийн газар олон арга хэмжээ авч хэрэгжүүлж ирсэн ч ОХУ-ын талтай бүрэн ойлголцолд хүрч чадаагүй өдий хүрсэн.
Монгол Улсын Байгаль орчин, уур амьсгалын өөрчлөлтийн сайд, Оросын Холбооны Улсын Байгалийн нөөц, экологийн сайд нар “Байгаль нуур болон Сэлэнгэ мөрнийг хамгаалах салбарт хамтран ажиллах тухай” санамж бичигт гарын үсэг зурж, Эгийн голын усан цахилгаан станцын байгаль-экологийн үнэлгээг хийх ажлын хэсгийг байгуулсан.
Ажлын хэсэг 2026 оны 01 дүгээр хагаст багтаан Эгийн голын УЦС-ын нөлөөллийн талаар эцсийн дүгнэлт гаргах зорилттой ажиллаж байна.
Мен ОХУ, ЮНЕСКО-гийн Дэлхийн өв Байгаль нуурт үзүүлэх нөлөөллийн экологийн иж бүрэн үнэлгээ, төслийн Байгаль орчин, нийгмийн нөлөөллийн үнэлгээ, төслийн туслах далангийн ТЭЗҮ боловсруулах ажлыг шуурхай зохион байгуулах, зардлыг санхүүжүүлэхээр Засгийн газар шийдвэрлэсэн” гэв.