Жүжигчин Ким Сү Хён талийгаач Ким Сэ Ронтой насанд хүрээгүй байхад нь болзож байсан хэмээн буруутгагдаж, олон нийтийн дунд маргаан дэгдээгээд байгаа билээ. Хэдийгээр жүжигчин Ким Сү Хён талийгаач Ким Сэ Ронтой насанд хүрсэн байхад нь нэг жилийн турш үерхсэн хэмээн мэдэгдсэн ч тэднийг өмнө нь үерхэж байсныг илтгэх нотлох баримтууд ил болсон нь маргааныг улам хурцатгаж байна.

Гуравдугаар сарын 17-нд Ким Сэ Роны шүтэн бишрэгчийн 2017 онд хуваалцсан зураг цахим ертөнцөд дахин шуугиан тариад байна. Зураг дээр Ким Сэ Рон хар урт куртиктэй цахилгаан шатны өмнө зогсож байгаа бол түүний ард Ким Сү Хён гэж таамаглаж буй эрэгтэй хүн улаан хүрэм өмсөж, гартаа ямар нэгэн зүйл барьсан харагдана. Тухайн хүний царай ил гараагүй ч цахим орчинд Чих, толгойн хэлбэрээс нь харахад энэ хүн жүжигчин Ким Сү Хён байх өндөр магадлалтай хэмээн мэдэгдэж буй.

Ким Сү Хён 2015 оноос эхлэн өөрөөсөө 12 насаар дүү Ким Сэ Ронтой болзож байсан хэмээн шүүмжлүүлээд байгаа билээ.