Эрүүгийн цагдаагийн газар өнгөрсөн шөнө Ноорог.мн сайтын байранд үзлэг, нэгжлэг хийж, компьютерын хард диск, болон гар утсыг хураан авч, сайтын ажилтнуудыг саатуулан мэдүүлэг авчээ. Тэднийг өчигдрийн 10 цагаас өглөөний 5 цаг хүртэл байцааж мэдүүлэг авсан байна.
Ноорог.мн сайтын уран бүтээлчдийг эрүүгийн хуулийн 19.9. зүйл анги буюу үндэсний эв нэгдлийг бусниулах буюу Хүмүүсийг үндэс, угсаа, хэл, арьсны өнгө, шашны номлол, үзэл бодлоор дайсагнуулах, эвдрэлцүүлэх, салан тусгаарлахыг ухуулсан, уриалсан, ялгаварлан гадуурхсан, хүчирхийлсэн, эрхийг нь хязгаарласан, давуу байдал тогтоосон үйлдлийг зохион байгуулсан бол таван жилээс арван хоёр жил хүртэл хугацаагаар хорих ял шийтгэнэ. Энэ гэмт хэргийг зохион байгуулалттай гэмт бүлэг үйлдсэн бол арван хоёр жилээс хорин жил хүртэл хугацаагаар хорих ял шийтгэх зүйл ангиар сэжиглэн мэдүүлэг авсан байна. Тус сайтын залуус 12:30 цагт эрүүгийн цагдаагийн газрын кибер гэмт хэрэгтэй тэмцэх хэлтсийн гадна хэвлэлийн хурал зарлажээ.