Эрчим хүчний үнийг 3 сарын өмнө нэмэгдүүлсэн шок нийгэмд бүрэн арилаагүй байхад дулааны үнэ тарифыг ирэх 5-р сараас нэмнэ гэдгээ ЭХЗХ-ноос зарласан байдаг. Тэгвэл засгийн газраас эдийн засгийн нөхцөл дэлхий нийтийн хувьд амаргүй цаг үед үнэ тарифын өсгөхийг зөвшөөрөхгүй гэдэг чиглэл гаргаснаа зарласан. Ирэх 5-р сараас дулааны үнэ буюу өсөх үү үгүй гэдэгт эцэслэн хариултыг сайд нар эцсийн байдлаар өгөөгүй. Гэхдээ ЭХЗХ засгийн газрын харьяа агентлаг учраас шийдвэр албажаад ирвэл дагахаас өөр аргагүй буюу дулааны үнээ өсгөх шийдвэрээ хойшлуулахаас өөр аргагүйд хүрнэ гэж мэдэгдлээ. Уг нь эрчим хүчний зохицуулах хороо хараат бусаар үйл ажиллагаагаа явуулах чиг үүрэгтэй агентлаг боловч өнөөдрийг хүртэл хараат бусаар үйл ажиллагаагаа явуулж үнээ чөлөөтэй тогтоож ирсэн түүх байгаагүй юм. Засгийн газраас үнэ тариф өсгөхгүй байх чиглэлээ тогтоол болгож  гаргасан баримтаа одоогоор гаргаагүй байна. Сайд нарын аманд байгаа үнэ тариф өсгөхгүй байх шийдвэрийг ЭХЗХ дагах нь тодорхой боллоо. Харин орон нутгийн өөрөө удирдах байгууллагууд тэр дундаа НИТХ дагах эсэхийг нийгэм хүлээж байна.