Байгаль орчин, уур амьсгалын өөрчлөлтийн сайд, Агаарын бохирдлыг бууруулах үндэсний хорооны дарга С.Одонтуяагийн санаачилгаар аж ахуйн нэгжийн орлогын албан татварын нэг хувийн хөнгөлөлтийг халаалтын систем өөрчлөхөд зарцуулж байна. Үүний хүрээнл нийслэлийн Баянгол дүүргийн 57 дугаар цэцэрлэгийн халаалтын зуухыг 3-р сарын 13-наас сольж, өчигдөр ашиглалтад оруулав.
Нам даралтын зуухаар халдаг байсан тус цэцэрлэгт “Повертүүл” ХХК 24 кВт-ын хүчин чадалтай агаарын дулааны насос суурилууллаа. Гаднах агаарын энергийг дулаан болгон хувиргадаг тус халаалтын систем нь эрчим хүчний 50-60 хувийн хэмнэлттэй, дулааны тохируулгыг гар утсаар удирддаг юм байна.
