“BIG BANG” хамтлагийн гишүүн асан Seungri “Burning Sun” шөнийн клубийн дуулиантай холбоотой хэргээр ял сонссон ч түүний шоу цэнгээн тансаг амьдрал үргэлжилсээр байгаа нь олон нийтийн шүүмжлэлийг хүлээгээд байна.

2022 онд Өмнөд Солонгосын Дээд шүүх түүнийг мөрийтэй тоглоом тоглосон, биеэ үнэлэхэд зуучилсан, гадаад валютын зөрчил гаргасан, бусдын эд хөрөнгийг шамшигдуулсан зэрэг есөн зүйл ангиар буруутган 1 жил 6 сарын хорих ялаар шийтгэсэн юм. Тэрээр 2023 оны хоёрдугаар сард Ёжү шоронгоос суллагдсан ч хэдий ч Камбож, Малайз зэрэг Зүүн өмнөд Азийн шөнийн цэнгээний газруудад олон удаа тансаг үдэшлэг хийж байгаа нь олны дургүйцлийг хүргэсэн юм.

Seungri -гийн тансаг үдэшлэг хамгийн сүүлд Хятадад болжээ. Sohu.com болон Хятадын бусад хэвлэл мэдээллийн хэрэгслүүдийн мэдээлснээр, Seungri 3 дугаар сарын 18-нд Ханжоу хотын нэгэн шөнийн клубт 10 бие хамгаалагчийн хамт харагдсан байна.

Seungri биеэ үнэлэлт, мөрийтэй тоглоом зэрэг олон гэмт хэрэгт буруутгагдаж байсан ч огтхон ч гэмшсэн шинжгүй өндөр харуул хамгаалалттай Ханжоу хотын шөнийн цэнгээний газарт оржээ. Хятадын цахим орчинд “Бид өөрсдийн өнгөрсөн алдаанаасаа ашиг хонжоо хайсан, авлигад идэгдсэн уран бүтээлчдийн эргэн ирэлтийг тэвчиж, дэмжих ёсгүй” хэмээн олон нийт дургүйцлээ илэрхийлж байна.