<p><strong>Хаа сайгүй өмхий үнэр хамар цоргиж, бөөлжис цутгана. </strong>Урин дулаан улирал эхэлж, утаа угаараасаа салсан ч өмхий үнэртэй золгов оо. Жил бүр л яригддаг утаа угаар, нус цэр, шээс дахиад л давтагдаж эхлэх шив.</p> <figure class="wp-block-image size-large"><img loading="lazy" decoding="async" width="1024" height="682" src="https://admin.time.mn/wp-content/uploads/2025/03/7de451ca-6f81-4e77-af63-d5b8a5bd7c0f-2-1024x682.jpg" alt="" class="wp-image-86346" srcset="https://admin.time.mn/wp-content/uploads/2025/03/7de451ca-6f81-4e77-af63-d5b8a5bd7c0f-2-1024x682.jpg 1024w, https://admin.time.mn/wp-content/uploads/2025/03/7de451ca-6f81-4e77-af63-d5b8a5bd7c0f-2-300x200.jpg 300w, https://admin.time.mn/wp-content/uploads/2025/03/7de451ca-6f81-4e77-af63-d5b8a5bd7c0f-2-768x512.jpg 768w, https://admin.time.mn/wp-content/uploads/2025/03/7de451ca-6f81-4e77-af63-d5b8a5bd7c0f-2-1536x1024.jpg 1536w, https://admin.time.mn/wp-content/uploads/2025/03/7de451ca-6f81-4e77-af63-d5b8a5bd7c0f-2.jpg 2000w" sizes="auto, (max-width: 1024px) 100vw, 1024px" /></figure> <p>Дээр дооргүй суудлаа олохгүй, сүүлдээ шээх газраа ч олохоо байлаа. Таарсан газар, булан тохой болгондоо шээж, зам дагуу нус цэрээ хаяад явдаг заваан хүмүүсийн гай дулааны улиралд ил гарч ирнэ. Хараа хяналтгүй барилгын булан тохой, ТҮЦ-ийн эргэн тойронд шөнө байтугай, гэгээн цагаан өдрөөр морь хардаг эрчүүд ч байна.</p> <p>Өвөл түүн дээр нь хүмүүс халтирч унаад, гулгаад явдаг нь худлаа биш. Тэр нөхөр ч өөрийнхөө шээсэн дээр унаж л яваа байлгүй. Гэр хорооллын зарим айл ийм хөлдүүс дээр халтирч унахгүйн тулд дээр нь үнс асгадаг. </p> <p>Хавар өнөөх элдэв бохир гэсэж, агаарт дэгдэн, салхиар тарна. Нийслэл даяараа ийм байж боломгүй бохирдлоор амьсгалж эхэллээ. Цаг наашилж, цаг агаар дулаарсан ч автобусны буудал, энд тэндхийн хашаа, байшингийн буланд гэсэж, агаарт дэгдэж буй хүн, нохой, муурны ялгадасны үнэрийг тэсэхийн аргагүй байна. Үүнд хэн хүнгүй цухалдаж эхлээд байна. </p> <blockquote class="wp-block-quote is-layout-flow wp-block-quote-is-layout-flow"> <p><br>Ил задгай хаясан шүлс, нус, цэр, шээс нь маш аюултай ужиг болон халдварт өвчний нянг тараадаг бөгөөд жирийн томуунаас эхлэн хурц хэлбэрийн сүрьеэ, уушгины болон амьсгалын замын халдварт өвчнүүд үүсгэдэг болохыг эмч, мэргэжилтнүүд хэлж буй. Түүнчлэн сүрьеэ өвчтэй хүн шүлсээ хаявал халдварлах магадлал 95% хувь гэж тогтоосон байдаг.</p> </blockquote> <p><strong>Иргэн Н.Нансалмаа: </strong>“Манайхан өөрсдөө эрүүл орчинд амьдармаар байна, эрүүл баймаар байна гэж хэлдэг хэр нь эрүүл мэндээ хордуулж буй зүйлээ өөрсдөө л хийдэг. Дэлгүүрийн булан тохойд өөрсдөө л шээж байгаа. Гудамд явахад гутал дээр нус цэрээ хаях нь холгүй залуучууд зөндөө байна. Гэр хорооллын айлууд бол нус ,цэр байтугай угаадсаа гудамдаа гаргаад асгачихдаг хэвээрээ шүү дээ. Хашааны өнцөг рүү шээгээд зогсож байна. Хүн явж байхад тоох ч юм байхгүй. Шөнө гэлтгүй гэгээн цагаан өдрөөр ч шээгээд зогсож байдаг” гэлээ.</p> <p>Нэг ах яриа өгөхөөс дургүйцсэн ч цааш явахдаа “Гадаа шээлгэмээргүй байгаа бол бие засах газар бариач, та нар” гээд хэрэлдсээр одов.</p> <p><br>2023 он байдлаар Улаанбаатар хотын хэмжээнд 19 байршилд нийтийн бие засах газар ажиллаж байна гэсэн тоо бий. Нэг үеэ бодвол бие засах газрууд харьцангуй нэмэгдсэн. Гэхдээ л хангалтгүй түвшинд. Зах худалдааны төвүүдээр ороход өдөржин л ариун цэврийн өрөө олдохгүй тэвчиж явна. CU,GS25 -д ариун цэврийн өрөө байдаг ч сүүлийн үед гадны хүн оруулахаа байсан. Шөнө орой хэцүүдэж явах үед өмдөндөө шээхгүйн тулд булан тохой л бараадах биз. Нэг талаас ухамсар нөгөө талаас бие засах газрын хүрэлцээ яригдах ёстой болоод байна. Энэ мэтчилэн олон асуудал гарч ирнэ. Гэхдээ хамгийн чухал нь хувь хүний боловсрол, соёл. Өөрийгөө, үр хүүхдээ, ирээдүй хойчоо эрүүл орчинд амьдруулах таны ухамсраас шалтгаална.</p> <figure class="wp-block-image size-large"><img loading="lazy" decoding="async" width="1024" height="682" src="https://admin.time.mn/wp-content/uploads/2025/03/effe6105-85dc-48c5-b2b4-2abf3eaee372-1024x682.jpg" alt="" class="wp-image-86340" srcset="https://admin.time.mn/wp-content/uploads/2025/03/effe6105-85dc-48c5-b2b4-2abf3eaee372-1024x682.jpg 1024w, https://admin.time.mn/wp-content/uploads/2025/03/effe6105-85dc-48c5-b2b4-2abf3eaee372-300x200.jpg 300w, https://admin.time.mn/wp-content/uploads/2025/03/effe6105-85dc-48c5-b2b4-2abf3eaee372-768x512.jpg 768w, https://admin.time.mn/wp-content/uploads/2025/03/effe6105-85dc-48c5-b2b4-2abf3eaee372-1536x1024.jpg 1536w, https://admin.time.mn/wp-content/uploads/2025/03/effe6105-85dc-48c5-b2b4-2abf3eaee372.jpg 2000w" sizes="auto, (max-width: 1024px) 100vw, 1024px" /></figure> <p><br>Хог хаягдлын тухай хуульд зааснаар аж ахуйн нэгж, байгууллагууд өөрийн эзэмшил дэх болон ашиглалтад байгаа газар орчмын 50 метр хүртэлх талбайн хог хаягдал, цас, мөсийг хариуцан цэвэрлэх үүрэгтэй. Иргэд СӨХ-оороо дамжуулах болон сайн дураараа их цэвэрлэгээнд хамрагдах боломжтой” гэж заасан. Одоо бүгдээрээ хуулийнхаа дагуу цэвэрлэгээ үйлчилгээгээ хийх цаг болжээ. Тэгэхгүй бол Улаанбаатар өмхий үнэртээ дарагдаж, ууршиж эхлэх нь. </p> <p> Харин хотын соёлд суралцаж чадахгүй, нус цэр нь ам хамартаа багтаж ядсан хүмүүст тооцдог хариуцлагаа чангатгах хэрэгтэй. </p> <p>Бид нийтээрээ, нийслэл хотоороо нус цэр, шээс, баасны үнэр дарлуулж суудгаа хэзээ болих бол&#8230;</p>