Ким Сү Хён Өмнөд Солонгосын хамгийн өндөр цалинтай жүжигчин байв. Гэвч талийгаач Ким Сэ Рон жүжигчинтэй харилцаатай байсан нь ил болсноор түүний 1 кинонд тоглох үнэлэмж унаад байна.
“The Korea Times”-ийн мэдээлснээр Ким Сү Хён хамгийн сүүлд тоглосон 16 ангит “Queen of Tears” драмаараа 5 тэрбум вон (US$3.4 сая) олжээ. Уг киноны 1 ангид 312.5 сая вон (US$214,377)-р тогложээ. Түүний цалин тус драмын төсөвт маш өндөр дүн эзэлж байсан аж.
“Citing N Entertainments”, “India Times”-ын мэдээлснээр Ким Сү Хёноос Пак Хён Шиг илүү өндөр өртгөөр 1 ангид тоглодог нь батлагдлаа. Тэрээр 2024 оны “Doctor Slump” олон ангит киноны 1 ангиас 500 сая вон олсон бөгөөд 16 ангийн турш 8 тэрбум вон (US $5.5 сая) авчээ.
Өмнөд Солонгосын бусад жүжигчин 1 ангид үүнээс хамаагүй бага үнээр тоглодог. “South China Morning Post”-д дурдсанаар Хён Бин 1 анги бүртээ 84,000 ам.доллар, түүний дараа Со Жи Сүб, Жо Ин Сон нар 67,000 ам.доллар, И Мин У 62,000 ам.долларын цалин авдаг аж.