Амралтын өдрүүдэд иргэн А.Баяржавхлан нь Цагдаагийн алба хаагчид өөрсдөө цахим мөрийтэй тоглоом зохион байгуулдаг тухай ноцтой мэдээлэл цацсаны хариуг өнөөдөр ЦЕГ-аас хийж тайлбар өглөө. А.Баяржавхлан нь цахим мөрийтэй тоглоом хар тамхины хэрэгтэй холбоотой 18 хүнтэй гэмт бүлэглэлтэй холбоотой этгээд гэдгийг цагдаагийн байгууллагаас мэдэгдээд байна. Иргэн А.Баяржавхлангийн төрсөн 5 дүү О, Б нар нь шүүгчийн захирамжаар цагдан хоригдсон хоригдож байгаа бөгөөд мөрийтэй тоглоом зохион байгуулах, гэмт бүлэг үүсгэх, мөнгө угаах зэрэг 3 төрлийн гэмт хэрэгт холбогдон шалгагдаж байгаа гэнэ. 2023 оноос 2024 оны хугацаанд “Торгоны зам” нэртэй компанийн мөрийтэй тоглоомын 5 иргэний 10 дансыг, “Хос тамга” нэртэй компанийн 11 иргэний 20 дансыг хаасан байна. Тухайн хэрэгт холбоотойгоор 3 иргэн хоригдож байгаагийн 1 Б гэгч нь өмнө нь цагдаагийн байгууллагад ажиллаж байсан этгээд гэдгийг онцоллоо.

Харин иргэн А.Баяржавхлангийн мэдэгдсэнээр цагдаагийн алба хаагч цахим мөрийтэй тоглоомын хэрэгт холбоотой эсэхийг нягтлахаар Цагдаагийн дотоод хяналт аюулгүй байдлын албанаас дотоод хяналт шалгалтын ажил эхэлснээ мэдэгдлээ. Хэрвээ алба хаагчтай холбоотой хууль бус ажиллагаа байгаа бол иргэдээс мэдээлэл авч шалгалтыг шууд эхэлдэг. Авлига албан тушаалтны хэрэгт холбоотой эсэхийг цагдаа нарыг АТГ-аас байнга шалгадаг. Өчигдрийн бичлэгтэй холбоотой бүх мэдээллийг шалгана гэв. Шалгалтын дүнд алба хаагч буруугүй бол олон нийтэд мэдээлнэ гэж тайлбарлаад байна. Үнэхээр алба хаагч холбоотой бол хариуцлагыг нь үүрүүлнэ, хэзээ ч хууль бус үйлдэл хийсэн алба хаагчтай эвлэрэхгүй гэдэг зарчим баримталж байгаагаа илэрхийллээ.