Орхон аймгийн Засаг даргын тамгын газрын албан тушаалтан Н.Б-гийн хөрөнгө, орлого их хэмжээгээр нэмэгдсэн ч түүнийхээ үндэслэлийг АТГ-т тайлбарлаж чадаагүй байна. АТГ түүнд холбогдох хэргийг шалгаж, үндэслэлгүйгээр хөрөнгөжсөн хэмээн эрүүгийн хэрэг үүсгэн, шүүхэд шилжүүлэх саналтайгаар нийслэлийн Прокурорын газарт шилжүүлжээ.

НПГ уг хэрэгт Эрүүгийн хуулийн 22.10 дугаар зүйлийн 1 /Үндэслэлгүйгээр хөрөнгөжих/-т зааснаар яллах дүгнэлт үйлдэн, Орхон аймаг дахь сум дундын анхан шатны шүүхэд шилжүүлээд байна.

Прокурорын байгууллага 3 дугаар сарын 17-21-ний хооронд хэрэг бүртгэлтийн 50.544, мөрдөн байцаалтын 2866 хэрэгт хяналт тавьж, эрүүгийн 279 хэрэгт яллах дүгнэлт үйлдэн шүүхэд шилжүүллээ. Түүнд дунд авлига, албан тушаалын 2 хэрэг байв.