Сүрьеэгийн халдвар авсан 3000 гаруй хүнийг 2024 онд эрүүл мэндийн байгууллагууд улсын хэмжээнд илрүүлжээ. Үүнийг өмнөх оны мөн үетэй харьцуулахад 5,6%-иар буурсан үзүүлэлт. Халдвар авсан нийт өвчтөний 57% нь Улаанбаатар хот, 42% нь аймаг, орон нутагт бүртгэгдсэн байна.
Сүрьеэ нь олон оронд өвчлөл, нас баралтын гол шалтгаан болж, Дэлхийн хэмжээнд нийгэм, эрүүл мэндийн чухал асуудал хэвээр байсаар байна. ДЭМБ 2021 онд Монгол Улсыг сүрьеэгийн тархалт өндөр 30 орны жагсаалтад оруулсан юм.