Өмнөговь аймгийн Ханбогд сумын төвд өчигдөр /2025.03.24/ 16:00 цагийн үед ширүүн шороон шуурга шуурч, 2 айлын байшингийн дээвэр, айлуудын хашаа нуржээ. Онцгой байдлын газрын 66 дугаар ангийн алба хаагчдыг очиход, 80х80 метр хэмжээтэй 4 айлын нийтийн байрны дээвэр хуурч унасан байв.
Тус аймгийн нийт нутгаар 3-р сарын 24-ний өдөр салхи секундэд 18-20 метр, зарим үед секундэд 24 метр хүрч шороон шуурга шуурлаа.
Иймд иргэд та бүхэн цаг агаарын сэрэмжлүүлэг мэдээллийг анхааран хүлээн авч болзошгүй эрсдэлээс хамгаалж сонор сэрэмжтэй байхыг анхааруулж байна. Үүнд:
- Бага насны хүүхэд өндөр настнаа асран хамгаалагчгүй үлдээхгүй байх,
- Айл өрхүүд ахуйн аюулгүй байдлыг хангах,
- Үнс нурмаа зориулалтын тагтай саванд асгах,
- Болзошгүй гал түймрээс хамгаалах,
- Малчид тээвэрчид анхаарал болгоомжтой байхыг сэрэмжлүүлж байна!
Өнөөдөр /2025.03.25/ Говь-Алтай, Баянхонгорын нутгаар салхи секундэд 28 метр, зарим үед секундэд 34 метрийг давж ширүүсэж, шороон шуурга шуурах тул болзошгүй эрсдэлээс урьдчилан сэргийлнэ үү!
