Баянхонгор аймгийн Баянговь сумын Өргөн багт амьдардаг иргэн Г-ийн 4 ханатай гэр өчигдөр 13:10 цагийн орчимд хүчтэй шороон шуурганы улмаас нурж, дотор нь хүн дарагджээ. Энэ тухай мэдээллийг аврагчид 13:12 цагт хүлээн авч, тус аймгийн Онцгой байдлын газрын Баянговь сум дахь аврах бүлэг, Цагдаагийн хэсгийн албан хаагч очиж, тусалсан байна.

4 ханатай гэр нурж, иргэн Г /51 настай, эмэгтэй/ дотор нь дарагдсан байсан аж. Түүнийг эсэн мэнд гаргаж, сумын Эрүүл мэндийн төвд хүлээлгэн өгсөн байна. Уг хүний биеийн байдал хэвийн байгаа аж.