<p><em>УИХ-ын тамгын газрын ерөнхий нарийн бичгийн дарга Б.Баасандоржоос УИХ-ын гишүүдийн бүрэн эрхээ хэрэгжүүлэхтэй холбоотой зардлын талаар тодрууллаа.</em></p> <p><strong>Б.Баасандорж</strong> : УИХ-ын тухай хуульд УИХ-ын гишүүн бүрэн эрхээ хэрэгжүүлэхтэй холбоотой зардал гэж буй. Энэ хуульд заасны дагуу УИХ-ын гишүүн бүрэн эрхээ хэрэгжүүлэхтэй холбоотой цалин хөлс авахаас зөвлөх, туслах, биет төлөөлөгчийн зардал нэмэгддэг. Мөн тойрогтоо ажиллах, зочин төлөөлөгч хүлээж авах, хурал, хэлэлцүүлэг гэх мэт урсгал зардлуудыг сангийн яамнаас тогтоосон журмын дагуу л зарцуулдаг. Нийгмийн сүлжээгээр цацагдаад байгаа шиг 20 сая төгрөг гэж зүйл байхгүй. УИХ-ын гишүүн 5.7 сая төгрөгийн цалинтай. Тойрогт ажиллах зардал нь сангийн яамнаас баталсан өртөг гэж буй. Аймагт ажиллахад өдрийн 98 мянган төгрөг байдаг. Утасны зардлыг улсаас даадаггүй. </p> <blockquote class="wp-block-quote is-layout-flow wp-block-quote-is-layout-flow"> <p>Харин хот доторх ажлын цагаар унаа хэрэглэх нь нээлттэй байдаг. </p> </blockquote> <p>Ер нь тухайн гишүүн орон нутагт болон тойрогтоо хир ажиллаж байгаагаас л зардлын их бага шалтгаална. Цалин хангамж, нийгмийн даатгал, хот доторх шатахуун, зөвлөх туслахын цалин гэсэн л төсөв буй. Тойргоос сонгогдсон гишүүн нэг зөвлөх, нэг туслах, нэг биет төлөөлөгчтэй, жагсаалтаар сонгогдсон гишүүн нэг зөвлөх нэг туслахтай байна гэж хуулийн заалт байгаа. УИХ-ын гишүүний зөвлөхийн цалин дунджаар 3 сая орчим төгрөг байдаг.</p> <iframe loading="lazy" src="https://www.facebook.com/plugins/video.php?height=314&#038;href=https%3A%2F%2Fwww.facebook.com%2Ftime.mn%2Fvideos%2F1177975297065812%2F&#038;show_text=false&#038;width=560&#038;t=0" width="560" height="314" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>