Засгийн газрын 2011 оны 339, 340 дүгээр тогтоол, 2017 оны 67 дугаар тогтоолын хүрээнд нийслэлийн ерөнхий боловсролын 33 сургуулийн сурагч, ажиллагсдад газар хөдлөх аюулаас урьдчилан сэргийлэх чиглэлээр сургалт зохион байгуулна. Сургалтыг Онцгой байдлын ерөнхий газар, Боловсролын ерөнхий газар хамтран ОБЕГ-ын харьяа Гамшгаас хамгаалах сургалтын төв буюу 116 дугаар ангид зохион байгуулж, гамшиг, ослоос өөрийгөө болон бусдыг аврах, хамгаалах мэдлэг олгож эхэллээ.

Тус төв Аюулгүй байдлын танхим, Виртуал сургалтын танхим, Галын аюулгүй байдлын танхим, Эмнэлгийн анхан шатны боловсролын танхим, Утаат орчны танхим, Газар хөдлөлтийн танхимтай. Утаат орчны танхимд сурагчид гал, түймрийн аюулыг мэдэрч, түүнээс яаж хамгаалах анхан шатны мэдлэгтэй болсон бол Газар хөдлөлтийн танхимд 1-8 баллын чичирхийллийг биеэр мэдэрч, газар хөдөлсөн үед яах ёстойг мэдэж авлаа. Эдгээр танхим тухайн аюулыг хиймлээр үүсгэж, хүнд бодит мэт мэдрүүлдэг. Энэ нь аюул, гамшгийн тухай бодит ойлголт өгдөг юм.

3 дугаар сарын 27-ны өдрийн 16:00 цагт гамшгийн аюулын зарлан мэдээллийн дохиогоор ажиллана.