БНСУ-ын Чэжү арлын нэгэн тосгонд өнгөрсөн шөнө гал гарч, уг гал ойд тархжээ. Үүний улмаас онцгой байдлынхан 100 гаруй иргэнийг уг тосгоноос яаралтай нүүлгэн шилжүүлсэн байна. Шөнө дөлөөр гарсан гал богино хугацаанд их газарт тархжээ. Аврах ангийнхан уг түймрийг унтраахаар бүрэн бүрэлдэхүүнээрээ ажиллаж байна.

Кёнсан мужийн нэгэн оршуулгын газарт хүж асааж орхисны уршгаар 3 дугаар сарын 21-нд гарсан түймрийг бүрэн унтрааж чадаагүй байна. Орон нутагт тархсан гал түймрийн улмаас 26 хүн амиа алдаад байна. Тэдний олонх нь өндөр настан аж. Өчигдөр уг түймрийг унтрааж байсан онгоц осолдож, нисгэгч амиа алджээ. Гал түймрийн халуун цэгт ажиллаж буй гал сөнөөгчдөд хүндрэлтэй нөхцөл байдал үүсэж, гэнэтийн осол гарсаар байна.

Уг түймэр Андунд хүрч, тус газрын иргэдийг яаралтай нүүлгэн шилжүүлэх үед осол гарч, гал сөнөөгч болон нутгийн оршин суугчид амь үрэгдсэн юм.

Сөүл хотын ойролцоо орших Пажу аймагт өчигдөр ой, хээрийн түймэр гарсан ч 3 цагийн дотор унтраав.

БНСУ-д онц байдал зарлаад буй. Өнөөдөр тус улсын түймэртэй газруудад бороо орох төлөвтэй байгаа аж. Энэ нь түймрийг бүрэн унтраахад ихээхэн тус болно гэж иргэд найдаж байна.