УИХ-ын нэгдсэн хуралдаанаар Монгол Улсын үндсэн хуулийн цэцийн 2025 оны 01 дүгээр дүгнэлт буюу Монгол улсын их хурлын сонгуулийн тухай хуулийн зарим хэсэг Монгол улсын Үндсэн хуулийг зөрчсөн эсэхийг хэлэлцлээ. Тодруулбал сонгуульд бие даан нэр дэвшигч нь 801-ээс доошгүй хүний гарын үсэг цуглуулж байгаа нь үндсэн хуульд нийцэхгүй хэмээн үндсэн хуулийн цэц дүгнэсэн байна. УИХ-ын гишүүд энэ үеэр санал хэлж асуулт асуулаа.

УИХ-ын гишүүн Х.Баасанжаргал:

Тухайлбал, Герман улс 200 хүний гарын үсэг цуглуулдаг 84 сая хүн амтай , Солонгос улс 300-500 хүний, Их британи 10 хүний гарын үсэг цуглуулж байх жишээний. Ер нь улс орнуудад дунджаар 100- 200 хүний гарын үсэг цуглуулж байна. Хоёрдугаарт улс төрийн намд тавигддаг шалгуурыг хувь хүнд тавьж буй нь тэгш эрхийн зармыг зөрчиж байна гэж хүний эрхийн үүднээс дүгнэлт гаргаад байгаа юм. Гуравдугаарт. Тухайн 801 хүний гарын үсгийг СЕХ субьектив байдлаар шалгаад таныг бүртгэж авахгүй гээд буцаах юм бол дахиж тэр алдааг залруулах боломж хугацааг өгдөггүй. Энэ нь бие даан нэр дэвшигчдэд хууль өөрөө хэтэрхий тэгш бус хандаж байгаагийн нэг илрэл юм.

УИХ-ын гишүүн Э.Бат-Амгалан:

Миний хувьд цэцийн дүгнэлтийг хүлээн авах боломжгүй гэж үзэж байна. Хэрвээ босгогүй болчихвол УИХ болон орон нутгийн сонгууль будилиантах нөхцөл байдал үүснэ.Яагаад гэвэл хэн дуртай нь нэр дэвших, мөн нэр дэвшигчтэй ижил нэртэй хүнийг нэр дэвшүүлэхээс эхлээд будилиан гарна. Аливаа улс төрийн сонгуульд нэр дэвшиж байгаа хүн нийгэмд хүлээн зөвшөөрөгдсөн 800 хүний дэмжлэг авчихсан хүн байх ёстой.