Архангай аймгийн Цэнхэр суманд менингококкоор 5 настай хүүхэд нас баржээ. Уг хүүхдийн биеэр тууралт гарсан, өндөр халуурсан гэх шинж тэмдэгтэйгээр 3 дугаар сарын 25-нд тус сумын эмнэлэгт дуудлага өгчээ. Уг дуудлагын дагуу тус сумын эмчийг очиход, хүүхдийн биеийн байдал хүнд, менингококкт халдварын шинж тэмдэг илэрсэн байсан учир аймгийн Нэгдсэн эмнэлгийн Халдвартын тасагт шилжүүлж, яаралтай тусламж үзүүлсэн ч оройтсон байжээ.
Тууралтат халдварын улирал эхэлж буй энэ цаг үед хүүхдийн тань бие дээр тууралт гарах, халуурах шинж тэмдэг илэрсэн даруйд цаг алдалгүй харъяа эрүүл мэндийн байгууллагад хандахыг эрүүл мэндийн байгууллагаас мэдээлж байна.