Жүжигчин Ким Сэ Ронтой холбоотой олон маргаанд нэр холбогдсон БНСУ-ын жүжигчин Ким Сү Хён хууль ёсны төлөөлөгч, “LK Partners” компанийн өмгөөлөгч Ким Жонг Бок, “Gold Medalist” компанийн гүйцэтгэх захирал Ан Сон Сү нартай хэвлэлийн бага хурал хийлээ.

Ким Сү Хён “Сайн байна уу Ким Сүхён байна. Юуны өмнө намайг уучлаарай. Талийгаач Ким Сэрон тайван нойрсож чадахгүй байгаад харамсаж байна” хэмээн яриагаа эхлүүлжээ. Тэрээр нулимс дуслуулан “Би талийгаачтай насанд хүрээгүй байхад нь болзож байгаагүй. Талийгаачийг өр барагдуулах шахалтаас болж нас барсан гэх мэдээлэл үндэслэлгүй. Ким Сэ Руны гэр бүл намайг “алуурчин” гэж буруутгаж байгаад харамсаж байна” гэжээ.

Хэвлэлийн бага хурлын төгсгөлд Ким Сү Хён “Шүүмжлүүлнэ гэдгээ мэдэж байгаа ч нэр төрөө цэвэрлэхийн тулд нэг л зүйлийг хэлье. Би буруугүй. Би буруугүй гэдгээ батлан харуулах болно” хэмээжээ.