<p>УИХ-ын гишүүн Д.Үүрийнтуяа “Цалинтай ээж&#8221;-ийн 50 мянган төгрөгийг 500 мянган төгрөг болгоно” гэснээр өнгөрсөн долоо хоног дуулиан шуугиантай өнгөрлөө. Гэтэл Гэр бүл, хөдөлмөр, нийгмийн хамгааллын сайд Л.Энх-Амгалан &#8220;Цалинтай ээж&#8221;-ийн мөнгийг 500 мянган төгрөгөөр нэмэх боломжгүй. Төсвийн орон зай бага байгаа тул гурван жилийн хугацаанд сар тутам 50 мянган төгрөг өгөх үү эсвэл 0-6 сар буюу хамгийн их зардал гардаг, хүүхдийг нярай байх үед ээжид нь 100-150 мянган төгрөг өгөх үү гэдэг тооцоо ярих ёстой” гэсэн хариулт өгөөд буй.</p> <p><br>&#8220;Цалинтай ээж&#8221; хэмээн нэрийдээд буй тус хөтөлбөр 2018 оноос хэрэгжиж эхэлсэн юм. Хүн амаа өсгөх, бага насны хүүхэдтэй өрхийн амьжиргаанд дэмжлэг болгох зорилготой аж. Гэтэл үнийн өсөлт, инфляцад дарагдаж, нийгмээрээ хүндхэн байгаа энэ үед сард олгодог 50 мянган төгрөгөөр 1 уут живх чүү ай авч байна. Энэ нь &#8220;Цалинтай ээж&#8221; хэмээх нэртэйгээ нэг л уялдахгүй байна. </p> <blockquote class="wp-block-quote is-layout-flow wp-block-quote-is-layout-flow"> <p>Цалин гэж ядаж л хөдөлмөрийн хөлсний доод хэмжээг хэлнэ. Хөдөлмөрийн хөлсний доод хэмжээ өнөөдрөөс 792 мянган төгрөг болон нэмэгдлээ. Гэтэл хөдөлмөрийн хөлсний 6.3 хувьтай тэнцүү мөнгийг цалин хэмээн нэрлэж яагаад ч болохгүй.</p> </blockquote> <p><br><strong>Энэ мөнгийг нэмэх, эсвэл нэрийг нь солих асуудлыг түр орхиод, 50 мянган төгрөгт юу авч болохыг зургаар харуулъя.</strong><br>Арай хямдхан байх боломжтой гэсэн дэлгүүрээр оров. Хүүхдийн живх уутаар нь авахад хамгийн багадаа 32 мянга бөгөөд хамгийн дээд талдаа 80 мянган төгрөг байв. Хүүхдийн нэмэлт сүү “Нан” 48.300-83.800 төгрөгийн үнэтэй байсан тул бидний мөнгө ширхгийн бараанд л хүрэх боломжтойг ойлгов.</p> <figure class="wp-block-image size-large"><img loading="lazy" decoding="async" width="1024" height="576" src="https://admin.time.mn/wp-content/uploads/2025/03/DJI_20250331122452_0004_-1024x576.jpg" alt="" class="wp-image-87948" srcset="https://admin.time.mn/wp-content/uploads/2025/03/DJI_20250331122452_0004_-1024x576.jpg 1024w, https://admin.time.mn/wp-content/uploads/2025/03/DJI_20250331122452_0004_-300x169.jpg 300w, https://admin.time.mn/wp-content/uploads/2025/03/DJI_20250331122452_0004_-768x432.jpg 768w, https://admin.time.mn/wp-content/uploads/2025/03/DJI_20250331122452_0004_.jpg 1200w" sizes="auto, (max-width: 1024px) 100vw, 1024px" /></figure> <p>Дэлгүүрийн худалдагчаас хүмүүс ихэвчлэн ямар живх /памперс / авч байгааг асуухад, &#8220;Ширхгийн живх их авдаг&#8221; гэлээ. Лангуун дээр гялгар уутанд 5 ширхгээр нь хийсэн живх тавьжээ. Түүнээс хоёр уутыг авлаа.</p> <ul class="wp-block-list"> <li>10 ширхэг живх &#8211; 11.000</li> <li>Хүүхдийн соок- 9000 </li> <li>Салфетка -7800</li> <li>&#8220;Бумбардай&#8221; нухаш хоёр ширхэг &#8211; 5000</li> <li>Йогурт хоёр ширхэг &#8211; 8000</li> <li>Хүүхдийн уудаг сүү жижиг -10.000 төгрөг</li> <li>Нийт 50.800 төгрөг болов.</li> </ul> <figure class="wp-block-image size-large"><img loading="lazy" decoding="async" width="1024" height="576" src="https://admin.time.mn/wp-content/uploads/2025/03/DJI_20250331123424_0019_-1024x576.jpg" alt="" class="wp-image-87949" srcset="https://admin.time.mn/wp-content/uploads/2025/03/DJI_20250331123424_0019_-1024x576.jpg 1024w, https://admin.time.mn/wp-content/uploads/2025/03/DJI_20250331123424_0019_-300x169.jpg 300w, https://admin.time.mn/wp-content/uploads/2025/03/DJI_20250331123424_0019_-768x432.jpg 768w, https://admin.time.mn/wp-content/uploads/2025/03/DJI_20250331123424_0019_.jpg 1200w" sizes="auto, (max-width: 1024px) 100vw, 1024px" /></figure> <p>Ингээд “Цалинтай ээж” хэмээн нэрийдээд буй сард өгдөг 50 мянган төгрөгөөр 6 ширхэг бараа аваад л “цалин” минь дууслаа.<br>Дэлгүүрээс гарч тоглоомын талбайд хүүхдээ салхилуулж буй ээжүүдтэй уулзав. Тэднээс &#8220;Цалинтай ээжийн мөнгийг хэрхэн олговол зүгээр вэ? Жилдээ нэг удаа 150 мянгыг авах нь дээр үү, эсвэл 6 сард 300 мянгыг авах нь зөв үү гэдэгт санал асуув. <br>Тэд &#8220;500 мянга болгоно гэдэг бол мөрөөдөл. Зүгээр 100, 200 мянга л болгочих хэрэгтэй. Эсвэл улиралд нэг удаа өгөх нь зөв. Гадны зарим улс орнууд жилдээ нэг удаа тооцож өгдөг юм билээ. Тэгэхгүй бол “Цалинтай ээж” гэсэн нэртэй 50 мянган төгрөгөөр нэг сав сүү ч авч хүрэхгүй л байна шүү дээ&#8221; гэсэн хариултыг өгөв.</p> <p></p>