Архангай аймгийн Өгийнуур сумын Өгий багийн Мэргэншанаа гэдэг газар /аймгийн төвөөс зүүн зүгт 130 км, сумын төвөөс зүүн хойд зүгт 30 км/ иргэн Э суудлын автомашинтай нуурын мөсөн дээр зорчиж яваад цөмөрчээ.

Энэ тухай дуудлагыг аврагчид өчигдөр 21:05 цагт хүлээн авсан байна. Тус аймгийн Онцгой байдлын газрын Эрэн хайх аврах салбарын албан хаагчдыг очиход, иргэн Э-гийн эзэмшлийн “Hilux” загварын автомашин нуурын эргээс 150 метрийн зайтай Өгий нуурын усанд цөмөрч живсэн байжээ. Уг машиныг татан гаргаж, эзэнд нь өгсөн байна.