Япон улсад 2024 онд зээлийн картын луйврын улмаас олон хэрэглэгч хохирсон явдал гарсан. Нийт дүнгээрээ их хэмжээний хохирол учирсан энэ төрлийн гэмт хэргийг таслан зогсоохын тулд карт гаргагчид хиймэл оюуныг ашиглаж эхэлсэн байна. Залилагчдын энэхүү хууль бус гүйлгээний схемийг хянах, хуурамч вэб сайтуудыг илрүүлэхийн тулд дөрөвдүгээр сараас хиймэл оюуныг ашиглахаар төлөвлөж байна. Хиймэл оюунаар илрүүлсэн мэдээллийг болон цахим хуудсуудыг хаах хүсэлтийг интернэтийн үйлчилгээ үзүүлэгч компаниудад илгээх аж.
Компанийн нэрийг нь ашиглан үйл ажиллагаа явуулж байсан хуурамч цахим хуудсуудыг аль хэдийн илрүүлсэн гэж карт гаргагчид мэдэгдээд байна. Тэд цаашид цахим худалдааны хуурамч платформууд, цахим хуудсуудад тавих хяналтыг өргөжүүлэхээр төлөвлөжээ.
Японы хэрэглээний зээлийн холбооноос мэдээлж байгаагаар хохирлын хэмжээ 55.5 тэрбум иен буюу 370 сая орчим ам.долларт хүрсэн нь өмнөх оныхоос 10 сая доллароор өссөн үзүүлэлт гэнэ. Цахим төрлийн гэмт хэргийн хохирлын хэмжээг бүртгэж 1997 оноос хойш бүртгэж эхэлснээс хойш анх удаа ийм өндөр дүнтэй залилангийн хэрэг бүртгэгдсэн жил болжээ.
Дээрх гэмт хэргийн 92 хувьд нь хулгайлагдсан картын мэдээллийг ашигласан бөгөөд луйварчид карт эзэмшигчдийн дансны мэдээллийг авахын тулд хуурамч цахим хуудсуудыг ашигладаг нь тогтоогдсон байна.