ХҮН намын зөвлөлийн хурал яг одоо төрийн ордонд үргэлжилж байна. Энэ үеэр УИХ-ын гишүүн Б.Найдалаа цаг үеийн асуудлаар сэтгүүлчдийн асуултад хариулт өглөө. Түүнийг намын журмын нөхөр Боловсролын Сайд П.Наранбаяртай маргалдаж улмаар нүүр лүү нь цохисон гэх мэдээлэл цацагдаад буй.

Б.Найдалаа: Би эмнэлэгт хэвтэж байгаад өнөөдөр ажилдаа орж байна. Тэгээд тайлбар өгч чадаагүй явж байхад гадуур нэлээн зохиомжлоод ардын аман зохиол шиг зодоон цохион болсон мэтээр ташаа мэдээлэл тарчихсан байна. Энэ бол ерөөсөө зодоон болоогүй. Пүрэв гарагийн өглөө 09:00 цагт манай намын зөвлөлийн байдаг л нэг хурал байсан. Тэр хурлын үеэр санамсаргүй тохиолдлоор сайдын хөмсөг нь гэмтчихсэн . Тэрнээс оройн цагаар архи дарс уусан асуудал ер байхгүй. Жижиг сажиг маргаан бол байж л байдаг шүү дээ. Тэр хурлын үеэр л санамсаргүй осол болсон. Би цохиогүй. Хүний нүд рүү гараа хийчихдэг шиг л юм болсон. Би хариуцлагатайгаар хэлье.Цагдаад бүртгүүлээд байхаар гэмт хэрэг биш.