horoscope
horoscope
horoscope
Odmundur radio - FM 83.3/107
userР. Цэцэгбаяр

Их хэмжээний мансууруулах бодис худалдаалж байсан М болон Т нарыг баривчиллаа

post-img

Энэ сарын 18-ны өдөр ЦЕГ-ын Хар тамхитай тэмцэх газар интерполоор эрэн сурвалжлагдаж буй М болон Т нарыг баривчилж 844 грамм мансууруулах бодисыг хураан авчээ.
Тодруулбал, Интерполын үндэсний төв товчооны хөх буланд зар мэдээгээр эрэн сурвалжлагдаж байгаа Бүгд найрамдах Франц улсад оршин суух Монгол улсын иргэн М нь 2024 оны 11 сараас 2025 оны 3-р сарын 18-ны өдрийн хугацаанд иргэн Т-тэй бүлэглэн бүгд найрамдах Герман улсаас олон улсын шуудан илгээмжийн үйлчилгээгээр дамжуулан цэвэр жин нь 844 гр мансууруулах сэтгэц нөлөөт бодисыг худалдаалах зорилгоор, хууль бусаар Монгол улсын хилээр нэвтрүүлэх гэх хэрэгт мөрдөн шалгах ажиллагаа явуулж байжээ.

Дээрх сэжигтэй этгээдүүдийг энэ оны 3-р сарын 18 ны өдөр баривчлах ажиллагаа явуулж, зарж борлуулахаар хадгалж байсан мансууруулах сэтгэц нөлөө бодисыг эд мөрийн баримтаар хураан авчээ. Уг хэрэгт 22-25 насны хоёр яллагдагчид цагдан хорих, таслан сэргийлэх арга хэмжээ авч мөрдөн шалгах ажиллагаа явуулж байна.

0/1000