“Монгол Улсын хүн амын хоол тэжээлийн байдал” үндэсний 6 дугаар судалгаагаар жирэмсэн эмэгтэйчүүдийн шээсэнд агуулагдаж буй иодын хэмжээ 76.4 мкг/л гарсан байна. Энэ нь ДЭМБ-ын зөвлөмж хэмжээнээс 2 дахин бага байгаа юм.
Иод нь ургийн өсөлтөд сайнаар нөлөөлж, тархины хөгжил бүрдэхэд голлох нөлөө үзүүлдэг. Иймд жирэмсэн эмэгтэйчүүддээ далайн гаралтай бүтээгдэхүүн, иоджуулсан давс түлхүү хэрэглэхийг Нийгмийн эрүүл мэндийн үндэсний төв зөвлөж байна.