МХБХ-ны ерөнхийлөгчийн сонгууль өчигдөр /2025.04.28/ болж, олонхын саналаар УИХ-ын гишүүн асан Ц.Анандбазар сонгогдсон. Энэ сонгуулийг шударга бус болсон хэмээн хөл бөмбөгчид эсэргүүцэж, Ц.Анандбазарыг огцрохыг шаардсан жагсаал өрнүүлж байна.
Хөл бөмбөгийн эмэгтэй тамирчид:
-Ц.Анандбазарыг ямар хүн бэ гэдгийг нийгэм даяараа мэднэ. Эмэгтэй тамирчид энэ хүнээс айж байна. Бидний дор маш олон эмэгтэй дүү нар байгаа. Тэднийхээ төлөө өнөөдөр энд зогсож байна. Ц.Анандбазарыг энэ суудлаасаа буутал лигийн эмэгтэйчүүдийн 8 баг ямар ч тэмцээнд оролцохгүй гэдгээ мэдэгдсэн. Үнэн ялаасай гэж хүсэж байна.
– Бид эмэгтэй хүмүүс учраас тэмцээн уралдаанд удирдах албаны хүмүүстэйгээ явдаг. Өмнө нь үүнээс болж, асуудлууд гарч байсан.

– 2021 оноос хойш Ц.Анандбазар гэдэг хүн хүчингийн хэрэгт холбогдож ирсэн. Ц.Анандбазарыг эсэргүүцэж байгаа хамгийн том шалтгаан нь 2021 онд Монгол Улсын 18 насны ангиллын шигшээ баг Солонгос улсад тэмцээнд оролцож байхад тухайн багийн менежер нь охидын өрөөнд орж ирээд, хөнжлийг нь сөхөж, ёс бус үйлдэл гаргасан. Үүнээс болж сэтгэл санааны дарамтад орж, хөл бөмбөгөө орхисон 2, 3 охин байгаа. Тийм учраас Ц.Анандбазар гэдэг ёс зүйгүй хүнийг ерөнхийлөгчөөс буулгах ёстой.