Засгийн газрын ээлжит хуралдаан Төрийн ордонд болж байна. Хуралдаанаар Худалдан авах ажиллагааны тухай хуулийн төсөл, “Ураны хайгуул, олборлолтын үйл ажиллагаанд иргэдийн хяналт, оролцоог хангах зарим арга хэмжээний тухай” Засгийн газрын тогтоолын төсөл, УИХ-ын гишүүн О.Номинчимэгийн санаачлан боловсруулсан Орон сууцны болон орон сууцны бус зориулалттай байшингийн дундын өмчлөлийн эд хөрөнгийн менежментийн тухай хууль буюу СӨХ-ны хуулийн төсөлд Засгийн газраас өгөх санал дүгнэлт, УИХ-ын гишүүн Х.Тэмүүжингийн санаачлан боловсруулсан Эрүүгийн хуульд нэмэлт, өөрчлөлт оруулах тухай хуулийн төсөлд Засгийн газраас өгөх санал дүгнэлт, “Усны төслийн нэгж байгуулах тухай” Засгийн газрын тогтоолын төслийг тус тус хэлэлцэх юм. Тус хуралдаанаар нийт 21 асуудал хэлэлцэхээр төлөвлөжээ.