Хүний эрхийн мэдрэмжтэй, хараат бус сэтгүүл зүйг танд хүргэе.
Subscribe
Д. СарантуяаСагс: Лигийн анхны тамирчид 10 мянган төгрөгийн цалинтай байсан бол одоо 100 сая
- 2025/05/09
- •
- 14 өдрийн өмнө
- •
- 5 мин уншина
<p>Монголын сагсан бөмбөгийн холбооны 2024-2025 оны Үндэсний дээд лигийн финалын цуврал хэсэг хугацаанд завсарлаад, дахин эхлэх гэж байна. Энэ улирлын цуврал эхлээд, гурван тоглолтын ард гарсан ч “BCL” буюу Азийн аваргуудын лигийн улмаас түр завсарласан.</p>
<p>2023-2024 оны лигийн финалд “Хүлгүүд” түрүүлж, “Металл” дэд байрт шалгарч байв. Ингээд дээрх хоёр баг хоёулаа Азийн аваргуудын лигт оролцох болсон юм.</p>
<p>“Бишрэлт метал”-ын залуус Индонезийн “Пелита Жаяа”, Малайзын “Матрикс”, Тайванийн “Пайлотс” багтай А хэсэгт багтсан бол лигийн аварга “Хасын хүлгүүд” баг Тайванийн “New Taipei Kings”, Тайландын “HiTech”, Сингапурын “Adroit” багтай B хэсэгт орсон.</p>
<p> 21 жилийн түүхтэй, лигийн 8 удаагийн аварга “Хасын хүлгүүд” баг бүх тоглолтдоо буюу нийт 3 хожиж, хэсгээ тэргүүлээд байна. Харин “Металл”-ын залуус 1 хожил, 1 хожигдолтойгоор аялан тоглолтоо өндөрлүүлэв.</p>
<p><strong>Одоо манай хоёр баг тавдугаар сарын 11-14-нд эх орондоо өрсөлдөгч багуудаа хүлээж авах юм. Үүний дараа Үндэсний дээд лигийн финалын цуврал дахин эхэлнэ. Үүнтэй холбоотойгоор Монголын сагсан бөмбөгийн холбооны Үндэсний дээд лигийн талаарх сонирхолтой баримтуудыг та бүхэнд хүргэе.</strong></p>
<p class="has-text-align-center"><strong>АНХНЫ ДЭЭД ЛИГИЙН АВАРГА БАГ “1+11”</strong></p>
<p>Энэ жилийн улирал онцгой түүхэн болж буй. Учир нь Үндэсний дээд лиг зохион байгуулж эхэлсний 30 жилийн ой энэ онд тохиож байгаа юм. Одоогоос 30 жилийн өмнө буюу 1994 онд анх удаа сагсан бөмбөгийн лигийн тэмцээнийг зохион байгуулсан. Тэр үед </p>
<p>-Баттулга дасгалжуулагчтай “1+11”,</p>
<p>-Ц.Цэвэрбал дасгалжуулагчтай “Азийн чоно”,</p>
<p>-Б.Дамба дасгалжуулагчтай “Генералууд”,</p>
<p>-Д.Маргад-Эрдэнэ дасгалжуулагчтай “Алтайн бүргэдүүд”,</p>
<p>-Уртнасан дасгалжуулагчтай “Хөх тэнгэр”</p>
<p>-Дархан-Уул аймгийн “Угалзын цөөврүүд”</p>
<p>“Монсоник” гэсэн долоон баг оролцож байжээ. Ингээд анхны Үндэсний лигийн аварга гэх эрхэм цолыг Баттулга дасгалжуулагчтай “1+11” баг хүртжээ.</p>
<p class="has-text-align-center"><strong>ҮНДЭСНИЙ ДЭЭД ЛИГТ ХАМГИЙН ОЛОН ТҮРҮҮЛСЭН “ХАСЫН ХҮЛГҮҮД”</strong></p>
<p>1994 онд анх зохион байгуулсан Дээд лигээс хойш 30 жилийн хугацаанд түрүүлсэн багуудыг танилцуулъя. Эдгээрээс “Хасын хүлгүүд” баг хамгийн олон буюу 8 удаа түрүүлж, Үндэсний дээд лигийн цомыг өргөсөн юм. Харин “Харцагууд” баг 4 удаа, “Лидер” баг 3, “1+11” баг 3 удаа аварга болжээ.</p>
<figure class="wp-block-gallery has-nested-images columns-default is-cropped wp-block-gallery-1 is-layout-flex wp-block-gallery-is-layout-flex">
<figure class="wp-block-image size-large"><img loading="lazy" decoding="async" width="1024" height="1024" data-id="95573" src="https://admin.time.mn/wp-content/uploads/2025/05/e648e774-4ef4-48c8-85dc-c83669fcd88e-1024x1024.jpg" alt="" class="wp-image-95573" srcset="https://admin.time.mn/wp-content/uploads/2025/05/e648e774-4ef4-48c8-85dc-c83669fcd88e-1024x1024.jpg 1024w, https://admin.time.mn/wp-content/uploads/2025/05/e648e774-4ef4-48c8-85dc-c83669fcd88e-300x300.jpg 300w, https://admin.time.mn/wp-content/uploads/2025/05/e648e774-4ef4-48c8-85dc-c83669fcd88e-150x150.jpg 150w, https://admin.time.mn/wp-content/uploads/2025/05/e648e774-4ef4-48c8-85dc-c83669fcd88e-768x768.jpg 768w, https://admin.time.mn/wp-content/uploads/2025/05/e648e774-4ef4-48c8-85dc-c83669fcd88e-1536x1536.jpg 1536w, https://admin.time.mn/wp-content/uploads/2025/05/e648e774-4ef4-48c8-85dc-c83669fcd88e.jpg 2000w" sizes="auto, (max-width: 1024px) 100vw, 1024px" /></figure>
<figure class="wp-block-image size-large"><img loading="lazy" decoding="async" width="1024" height="1024" data-id="95572" src="https://admin.time.mn/wp-content/uploads/2025/05/00f5cf38-1e53-4f74-8d95-9d21d90fc386-1024x1024.jpg" alt="" class="wp-image-95572" srcset="https://admin.time.mn/wp-content/uploads/2025/05/00f5cf38-1e53-4f74-8d95-9d21d90fc386-1024x1024.jpg 1024w, https://admin.time.mn/wp-content/uploads/2025/05/00f5cf38-1e53-4f74-8d95-9d21d90fc386-300x300.jpg 300w, https://admin.time.mn/wp-content/uploads/2025/05/00f5cf38-1e53-4f74-8d95-9d21d90fc386-150x150.jpg 150w, https://admin.time.mn/wp-content/uploads/2025/05/00f5cf38-1e53-4f74-8d95-9d21d90fc386-768x768.jpg 768w, https://admin.time.mn/wp-content/uploads/2025/05/00f5cf38-1e53-4f74-8d95-9d21d90fc386-1536x1536.jpg 1536w, https://admin.time.mn/wp-content/uploads/2025/05/00f5cf38-1e53-4f74-8d95-9d21d90fc386.jpg 2000w" sizes="auto, (max-width: 1024px) 100vw, 1024px" /></figure>
<figure class="wp-block-image size-large"><img loading="lazy" decoding="async" width="1024" height="1024" data-id="95575" src="https://admin.time.mn/wp-content/uploads/2025/05/060d74a3-5fe1-48d3-a1d6-ba77fff6685a-1024x1024.jpg" alt="" class="wp-image-95575" srcset="https://admin.time.mn/wp-content/uploads/2025/05/060d74a3-5fe1-48d3-a1d6-ba77fff6685a-1024x1024.jpg 1024w, https://admin.time.mn/wp-content/uploads/2025/05/060d74a3-5fe1-48d3-a1d6-ba77fff6685a-300x300.jpg 300w, https://admin.time.mn/wp-content/uploads/2025/05/060d74a3-5fe1-48d3-a1d6-ba77fff6685a-150x150.jpg 150w, https://admin.time.mn/wp-content/uploads/2025/05/060d74a3-5fe1-48d3-a1d6-ba77fff6685a-768x768.jpg 768w, https://admin.time.mn/wp-content/uploads/2025/05/060d74a3-5fe1-48d3-a1d6-ba77fff6685a-1536x1536.jpg 1536w, https://admin.time.mn/wp-content/uploads/2025/05/060d74a3-5fe1-48d3-a1d6-ba77fff6685a.jpg 2000w" sizes="auto, (max-width: 1024px) 100vw, 1024px" /></figure>
</figure>
<p class="has-text-align-center"><strong>“ЭРДЭНЭТ МАЙНЕРС” БАГИЙН ТҮҮХЭН ХОЖЛЫН ЦУВРАЛ</strong></p>
<p>2022–2023 оны улиралд “Эрдэнэт майнерс” баг хасагдах шатанд нэг ч хожигдолгүйгээр 12:0 гэсэн амжилттайгаар аваргын цом хүртсэн. Тэд энэ амжилтаа үргэлжлүүлэн дараагийн улиралд 11 дараалан хожиж, нийт 23 тоглолт дараалан хожсон нь лигийн түүхэнд урьд өмнө байгаагүй амжилт болсон билээ.</p>
<p class="has-text-align-center"><strong>“ХАСЫН ХҮЛГҮҮД” БАГИЙН ОЛОН УЛСЫН АМЖИЛТ</strong></p>
<p>2023–2024 оны улиралд “Хасын хүлгүүд” баг “Бишрэлт металл” багийг 4:1 харьцаатайгаар хожиж, найм дахь удаагаа аваргын цомыг өргөсөн. Энэ амжилтаараа тэд Монголын сагсан бөмбөгийн түүхэнд хамгийн олон удаагийн аварга баг болсон юм. Түүнчлэн тус баг 2024 онд Азийн сагсан бөмбөгийн аваргуудын лигийн урьдчилсан шатанд оролцож, Сингапурын “Адройт” багийг 98:74 харьцаатайгаар хожсон нь Монголын багийн олон улсын тэмцээнд гаргасан томоохон амжилт байв. Мөн энэ жилийн “BCL” лигийн хэсгийн бүх тоглолтод 3:0 гэсэн амжилт үзүүлж, багийн амжилтаа ахиулсаар байна.</p>
<p class="has-text-align-center"><strong><strong>ҮНДЭСНИЙ ДЭЭД ЛИГТ ХАМГИЙН УДААН ТОГЛОСОН ТОГЛОГЧ</strong></strong></p>
<p>МСБХ-ны Үндэсний дээд лигт хамгийн удаан тоглож буй тамирчин бол Тунгалагийн Санчир юм. Тэрээр 1989 онд төрсөн. 2007 онд мэргэжлийн сагсан бөмбөгийн карьераа эхлүүлсэн. Т.Санчир 17 гаруй жилийн турш Монголын дээд лигт тоглож, олон багийн бүрэлдэхүүнд багтаж байсан туршлагатай тоглогч. Тэр 2014, 2023 онд лигийн аварга болж, 2014 оны финалын MVP, 2016, 2023 оны улирлын MVP шагнал хүртсэн. Мөн Монголын үндэсний шигшээ багт 2009 оноос хойш тоглож, 2014 оны Азийн наадамд 16.6 оноо, 5.6 самбар дунджилсан билээ.</p>
<figure class="wp-block-image size-large"><img loading="lazy" decoding="async" width="819" height="1024" src="https://admin.time.mn/wp-content/uploads/2025/05/465426655_17949005654856664_1641024089632583543_n-819x1024.jpg" alt="" class="wp-image-95582" srcset="https://admin.time.mn/wp-content/uploads/2025/05/465426655_17949005654856664_1641024089632583543_n-819x1024.jpg 819w, https://admin.time.mn/wp-content/uploads/2025/05/465426655_17949005654856664_1641024089632583543_n-240x300.jpg 240w, https://admin.time.mn/wp-content/uploads/2025/05/465426655_17949005654856664_1641024089632583543_n-768x960.jpg 768w, https://admin.time.mn/wp-content/uploads/2025/05/465426655_17949005654856664_1641024089632583543_n-1229x1536.jpg 1229w, https://admin.time.mn/wp-content/uploads/2025/05/465426655_17949005654856664_1641024089632583543_n.jpg 1440w" sizes="auto, (max-width: 819px) 100vw, 819px" /></figure>
<p class="has-text-align-center"><strong><strong>УЛИРЛЫН MVP ШАГНАЛТНУУД (2021–2024)</strong></strong></p>
<p> • 2021–2022: Билгүүн Баттүшин (Хасын хүлгүүд)</p>
<p> • 2022–2023: Тунгалаг Санчир (Эрдэнэт майнерс)</p>
<p> • 2023–2024: Мягмарсүрэн Өлзий-Орших (IHC Apes)</p>
<p> • 2024–2025: Алтангэрэл Азбаяр (Хасын хүлгүүд) </p>
<p class="has-text-align-center"><strong>ФИНАЛЫН MVP</strong></p>
<p> • 2015–2016: Карл Блэр (Альянс тек харцагууд)</p>
<p> • 2022–2023: Пендарвис Уильямс (Эрдэнэт майнерс)</p>
<p> • 2023–2024: Дивайн Майлс (Хасын хүлгүүд)</p>
<p class="has-text-align-center"><strong>ОНЦЛОХ ТОГЛОГЧИД БА ГЭРЭЭ</strong></p>
<p><strong>Н.Нандинхүсэл:</strong> “Улаанбаатар-Амазонс” багийн тамирчин, 16 настай Н.Нандинхүсэл Дээд лигт тоглосон хамгийн залуу тоглогч болж, түүхэнд бичигдэж байна. Тэрээр энэ жил багийнхаа хамтаар Үндэсний дээд лигийн аварга болсон.</p>
<figure class="wp-block-gallery has-nested-images columns-default is-cropped wp-block-gallery-2 is-layout-flex wp-block-gallery-is-layout-flex">
<figure class="wp-block-image size-large"><img loading="lazy" decoding="async" width="820" height="1024" data-id="95588" src="https://admin.time.mn/wp-content/uploads/2025/05/485578647_2135151523582195_4387602006830267529_n-820x1024.jpg" alt="" class="wp-image-95588" srcset="https://admin.time.mn/wp-content/uploads/2025/05/485578647_2135151523582195_4387602006830267529_n-820x1024.jpg 820w, https://admin.time.mn/wp-content/uploads/2025/05/485578647_2135151523582195_4387602006830267529_n-240x300.jpg 240w, https://admin.time.mn/wp-content/uploads/2025/05/485578647_2135151523582195_4387602006830267529_n-768x959.jpg 768w, https://admin.time.mn/wp-content/uploads/2025/05/485578647_2135151523582195_4387602006830267529_n-1229x1536.jpg 1229w, https://admin.time.mn/wp-content/uploads/2025/05/485578647_2135151523582195_4387602006830267529_n.jpg 1440w" sizes="auto, (max-width: 820px) 100vw, 820px" /></figure>
<figure class="wp-block-image size-large"><img loading="lazy" decoding="async" width="1024" height="683" data-id="95592" src="https://admin.time.mn/wp-content/uploads/2025/05/465798807_17945213288899411_1978608634677682451_n-1024x683.jpg" alt="" class="wp-image-95592" srcset="https://admin.time.mn/wp-content/uploads/2025/05/465798807_17945213288899411_1978608634677682451_n-1024x683.jpg 1024w, https://admin.time.mn/wp-content/uploads/2025/05/465798807_17945213288899411_1978608634677682451_n-300x200.jpg 300w, https://admin.time.mn/wp-content/uploads/2025/05/465798807_17945213288899411_1978608634677682451_n-768x513.jpg 768w, https://admin.time.mn/wp-content/uploads/2025/05/465798807_17945213288899411_1978608634677682451_n.jpg 1440w" sizes="auto, (max-width: 1024px) 100vw, 1024px" /></figure>
</figure>
<p><strong>А.Базаргүр:</strong> “SG Apes” багаас “Сэлэнгэ бодонс” баг руу 120 сая төгрөгөөр шилжиж, 450 сая төгрөгөөр гурван жилийн гэрээ байгуулсан нь дотоодын тоглогчдын үнэлгээ өссөнийг харуулсан үйл явдал болсон билээ. Түүний хувьд өмнө нь волейболын спортоор хичээллэж байсан бөгөөд “Хасу мегастарс” багт тоглодог байсан юм.</p>
<p class="has-text-align-center"><strong>1994 ОНЫ НӨХЦӨЛ БАЙДАЛ VS 2025 ОНЫ НӨХЦӨЛ БАЙДАЛ</strong></p>
<p>Анх 1994 онд Монголын сагсан бөмбөгийн Үндэсний дээд лиг зохион байгуулж байх үед тамирчид мэргэжлийн статусаас гадна тогтвортой цалин ч үгүй байв. Ихэнх тамирчин багаасаа тээвэр, хоол амьжиргааны зардал маягаар багахан тэтгэлэг авдаг байжээ. Харин хувийн ивээн тэтгэгч багуудтай цөөн тамирчин сард 10.000-30.000 төгрөгийн дэмжлэг авдаг байж. Энэ нь тухайн үеийн ханшаар 10-20 ам.доллар юм. Тэгвэл 1990-ээд оны сүүлчээр хувийн ивээн тэтгэгчтэй багууд гарч ирснээр тамирчдын цалин, урамшууллын систем аажмаар сайжирч эхэлсэн байна.</p>
<p>Тэр цагт мэргэжлийн спортын эхлэл тавигдсан хэдий ч эдийн засгийн байдал, дэд бүтцээс шалтгаалж, тамирчдын цалин хөлс маш бага байсан бол өнөөдөр сагсан бөмбөгийн спорт мэргэжлийн түвшинд хөгжиж, тамирчдын цалин хөлс багадаа 20-40 саяас эхэлж байна. 30 жилийн хугацаанд сагсан бөмбөгийн спорт ингэж хөгжсөн нь яах аргагүй түүх мөн.</p>
- Шинэ
- Хандалттай