horoscope
horoscope
horoscope
Odmundur radio - FM 83.3/107
userГ. Урантөгс

Харанга дэлдсэн эмгэнэлийн цуурай

post-img

Домогт “Харанга” хамтлагийн ахлагч, Монгол Улсын Төрийн Соёрхолт, Гавьяат жүжигчин Ц.Энхманлай таалал төгсөж, Монголын рок, поп хөгжмийн урлагт тод мөр, том орон зайг үлдээн, хайртай гэр бүл, хамтлагийн гишүүд, шүтэн бишрэгчдээ орхин одлоо.

Энэхэн яруу орчлонд чи бидний манлайлагч болж, чи бидний гэрэл гэгээ болж, чи бидний урам зориг болж, чи бидний инээд баясал болж, чи бидний айзам эгшиг болж, чи бидний чин зүрхний жинхэнэ нөхөр болж “Харанга” хэмээх хард рокын нүргээнт тайзнаа хүмүүний гучин таван жилийг хамтдаа үджээ.

Харин эдүгээ чи минь бидний дуртгал санамж болж, чи бидний сонордох эгшиг болж, чи бидний зүүдэндээ л харах дүр болж, чи бидний дуу шүлэг, хөгжмийн хэмнэл болж, чи бидний ирээдүйн ерөөл болж одлоо.

“Харанга” хамтлагийн нөхөд чинь харамсал гашуудлаа үгээр илэрхийлж үл чадмуй. Эмгэнэсэн сэтгэлд чи минь гитараа барин инээмсэглэн зогсох дүр зураг үзүүлж, бидэнтэйгээ сэтгэл зүрхээрээ үргэлжид хамт байгаагаа илэрхийлнэ. Чиний дуу хоолой, чиний их цуурайтуулагч чавхдаст гитарын аялгуу домог болж Харангын их нүргээн дунд энхэр Монголдоо, эх дэлхийдээ үлдэнэ.

Чинийхээ хийж амжаагүй үйлс бүхнийг тань бид хийж бүтээх болно оо!

Бид үргэлж хамтдаа…

Төрийн соёрхолт “Харанга” хамтлаг. 2025 он

0/1000