Саудын Арабын хаант улсын Дахран хотод 5 дугаар сарын 4-12-нд болж буй Азийн физикийн XXV олимпиадад Азийн 30 орны 240 орчим сурагч, 100 орчим багш, дасгалжуулагч оролцлоо. Үүнд Монгол Улсын баг 8 сурагчтай оролцож, 1 мөнгө, 6 хүрэл медаль авч, шагналт байрт 1 сурагч шалгарав. Энэ олимпиадаас Монгол Улс анх удаа мөнгөн медаль авсан юм. Нийслэлийн ерөнхий боловсролын 1 дүгээр сургуулийн 11 дүгээр ангийн сурагч М.Мөнх-Оргил уг медалийг эх орондоо авчирлаа.
Хүрэл медаль
- МУИС-ийн харьяа ерөнхий боловсролын ахлах сургуулийн 12 дугаар ангийн сурагч Г.Батбаяр
- “Сант” сургуулийн 12 дугаар ангийн сурагч Г.Азжаргал
- “Абсолют-Элит” сургуулийн 11 дүгээр ангийн сурагч Д.Энхтөгс
- Нийслэлийн ерөнхий боловсролын 1 дүгээр сургуулийн 11 дүгээр ангийн сурагч Г.Амар
- МУИС-ийн харьяа ерөнхий боловсролын ахлах сургуулийн 11 дүгээр ангийн сурагч Э.Ичинбат
- МУИС-ийн харьяа ерөнхий боловсролын ахлах сургуулийн 11 дүгээр ангийн сурагч А.Орхонтуул
- Шагналт байр – “Шинэ-Монгол” сургуулийн 12 дугаар ангийн сурагч Б.Ирмүүн
Шагналыг Улаанбаатарын цагаар өнөөдөр буюу 2025 оны 05 дугаар сарын 12-ны 09:00 цагт гардуулна.
Багийн ахлагч:
МУИС-ийн багш доктор, дэд профессор Г.Мөнхбаяр
ШУТИС-ийн багш доктор, дэд профессор Г.Зоригт
Дасгалжуулагч багш:
УФО-ын хорооны дарга М.Ганбат
МУИС-ийн багш М.Отгонбаатар
Өнгөрсөн жил Монгол Улс 2 хүрэл медаль, 2 шагналт байр эзэлжээ. Ирэх жил “АФО2026” Солонгосын Бусан хотод зохион байгуулагдана.