Говийн бүсийн зөвлөл өнөөдөр анхны хурлаа Дорноговь аймгийн төв Сайншандад хийж байна. Уг хуралд Монгол Улсын Ерөнхий сайд, Засгийн газрын гишүүд, Ерөнхийлөгчийн Тамгын газар, тус бүсээс Улсын Их Хуралд сонгогдсон гишүүд, эрдэмтэн судлаачид, аймаг, сум багийн ИТХ-ын дарга, төлөөлөгчид, засаг дарга нар, уг бүсийн иргэд, болон аж ахуйн нэгжийн төлөөлөл оролцох юм. Говийн бүсийн зөвлөлийн анхны хуралд Засгийн Газар бүрэн бүрэлдэхүүнээрээ оролцож, бүсийн хөгжлийг эрчимжүүлэх асуудлыг хэлэлцэн шийдвэрлэнэ.