ГССҮТ-өөс эцэг эхчүүдэд хандан хүүхдээ өндрөөс унаж бэртэхээс сэргийлэхийг анхааруулж байна. Гадаа дулаарч байгаатай холбоотойгоор эцэг эхчүүд бага насны хүүхдээ гэртээ хараа хяналтгүй үлдээх нь элбэгшдэг. Үүний улмаас бага насны хүүхдүүд орон сууцны цонхноос унах тохиолдол эрс нэмэгддэг байна. Тиймээс хүүхдээ аль болох хараа хяналтгүй үлдээхгүй байх, цонхыг онгорхой цоожгүй үлдээхгүй байх болоод цонхондоо зориулалтын хаалт хийж аюулгүй байдлыг хангах шаардлагатайг ГССҮТ-өөс захилаа.