<blockquote class="wp-block-quote is-layout-flow wp-block-quote-is-layout-flow"> <p><em>Монгол Улсын Ерөнхийлөгч Ухнаагийн Хүрэлсүхийн урилгаар төрийн айлчлал хийж буй&nbsp;</em><em>Япон Улсын Цог Жавхлант Эзэн Хаан Нарүхито&nbsp;</em><em>2025 оны 07 дугаар сарын 07-ны өдөр Ус сувгийн удирдах газарт зочиллоо.</em></p> </blockquote> <p>Цог Жавхлант Эзэн Хаан Нарүхито-г тус газрын дарга Ц.Төрхүү угтан авч, байгууллагынхаа талаар танилцууллаа.</p> <p>Япон Улсын Хөгжлийн албан ёсны тусламжийн буцалтгүй тусламжийн хүрээнд “Ус хангамжийн эх үүсвэрийн нөөцийн хайгуулыг хийх ажил” (1991-1996 он), “Ус хангамжийн системийг нэн яаралтай шинэчлэх мастер төлөвлөгөөний өргөтгөл шинэчлэлийн эхний ээлж” (1997-2000 он), хоёрдугаар ээлж (2005-2007 он), Улаанбаатар хотын ундны усыг нэмэгдүүлэх “Гачууртын эх үүсвэр” (2012-2014 он) төсөл, хөтөлбөр хэрэгжүүлсэн.</p> <p>Япон Улсын тусламж дэмжлэг, хамтын ажиллагааны үр дүнд Улаанбаатар хотын ундны ус цуглуулах, түгээх, хянах хүчин чадал үнэмлэхүй хэмжээгээр нэмэгдэж, техник, технологийн шинэчлэл, сайжруулалт хийгджээ.</p> <p>Цог Жавхлант Эзэн Хаан Нарүхито Оксфордын их сургуульд “Ус судлал”-ын чиглэлээр суралцан, төгсөлтийн судалгааны ажлаа 18-19 дүгээр зууны Темза мөрний тээврийн сэдвээр бичиж, хожим “Темза мөрөнтэй хамтдаа” номоо гаргасан.</p> <p>Тэр бээр “Дэлхийн усны форум” зэрэг олон улсын хурал, чуулганд тогтмол, идэвхтэй оролцож, “ус судлал”-ыг амьдралын хэвшлээ болгон, ахисан түвшинд судалгаа, шинжилгээ хийдэг юм.</p> <figure class="wp-block-image"><a href="https://president.mn/wp-content/uploads/2025/07/514692708_700235509594901_3868069585743110539_n.jpg"><img decoding="async" src="https://president.mn/wp-content/uploads/2025/07/514692708_700235509594901_3868069585743110539_n-1024x683.jpg" alt="" class="wp-image-33260"/></a></figure> <figure class="wp-block-image"><a href="https://president.mn/wp-content/uploads/2025/07/515850818_749520894180606_2672102408528404405_n.jpg"><img decoding="async" src="https://president.mn/wp-content/uploads/2025/07/515850818_749520894180606_2672102408528404405_n-1024x683.jpg" alt="" class="wp-image-33261"/></a></figure>