<blockquote class="wp-block-quote is-layout-flow wp-block-quote-is-layout-flow"> <p>Монгол Улсын Ерөнхийлөгч Ухнаагийн Хүрэлсүх Бүгд Найрамдах Тажикистан Улсын Ерөнхийлөгч Эмомали Рахмоны урилгаар 2025 оны 07 дугаар сарын 23-26-ны өдрүүдэд тус улсад төрийн айлчлал хийхээр хүрэлцэн ирлээ.</p> </blockquote> <p>Ерөнхийлөгч У.Хүрэлсүхийг “Душанбе” олон улсын нисэх онгоцны буудалд тус улсын Тэргүүн Шадар сайд Холикзода Хоким, тус улсад хавсран суугаа Онц бөгөөд Бүрэн эрхт Элчин сайд Д.Баярхүү нар угтаж авлаа.</p> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_4210440645879115-1024x682.jpeg" alt="" class="wp-image-33801"/></figure> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_1049225917411179-1024x682.jpeg" alt="" class="wp-image-33800"/></figure> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_1074438771547216-1024x682.jpeg" alt="" class="wp-image-33798"/></figure> <p>Энэ удаагийн айлчлал Төв Азийн улс орнууд, тэр дундаа Тажикстан Улстай найрсаг харилцаагаа өргөжүүлэн хөгжүүлэх, хамтын ажиллагааг эдийн засгийн агуулгаар баяжуулах, ард түмний найрамдал, нөхөрлөлийг бэхжүүлэхэд чухал түлхэц болно гэж талууд үзэж байна.</p> <p>Ерөнхийлөгч У.Хүрэлсүх, Эмомали Рахмон нар ганцаарчилсан уулзалт болон албан ёсны хэлэлцээ хийж, “Найрсаг харилцаа, олон талт хамтын ажиллагааг хөгжүүлэх тухай Монгол Улс, Бүгд Найрамдах Тажикистан Улсын хамтарсан мэдэгдэл” гаргана.</p> <p>Айлчлалын хүрээнд хоёр улс харилцаа, хамтын ажиллагааг хөгжүүлэхтэй холбоотой баримт бичгүүдэд гарын үсэг зурахаар төлөвлөж байна.</p> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_1866822060842207-1024x682.jpeg" alt="" class="wp-image-33797"/></figure> <p>Ерөнхийлөгч У.Хүрэлсүх мөн тус улсын Мажлиси Намояндагон /Парламентын доод танхим/-ын даргыг хүлээн авч уулзаж, харилцаа, хамтын ажиллагааны талаар санал солилцоно.</p> <p>Айлчлалын хүрээнд хоёр орны төрийн тэргүүн нарын ивээл дор анхны бизнес форум болон соёл, урлагийн тоглолт болох юм.</p> <p>Хоёр улс 1992 онд дипломат харилцаа тогтоосон бөгөөд манай улсаас анх удаа Ерөнхийлөгч төрийн айлчлал хийж байна.</p> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_712356771644749-1024x682.jpeg" alt="" class="wp-image-33795"/></figure> <p>Ерөнхийлөгч У.Хүрэлсүх Душанбе хотноо хүрэлцэн ирсэн даруйдаа Тажикийн түүх, соёлын бэлгэ тэмдэг болсон Исмоил Сомони-гийн хөшөөнд цэцэг өргөж, хүндэтгэл үзүүллээ.</p> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_2058035337937720-1024x683.jpeg" alt="" class="wp-image-33793"/></figure> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_1045468207331507-1024x683.jpeg" alt="" class="wp-image-33808"/></figure> <p>Тажикийн төрт ёсны түүхэнд тод мөрөө үлдээсэн Саманидын анхны эмир Исмоил Сомони-г ард түмэн нь мөнхөд дээдэлдэг бөгөөд 13 метр өндөр хөшөөг нь бүтээж, IX-X зуунд Бухарт баригдсан Саманидын бунхны хуулбар бүхий музей байгуулжээ.</p> <p>Хөшөөний хоёр талд байрлах хүрэл арслангууд нь улсын тогтвортой байдал, энх тайван, үндэсний эв нэгдлийг илэрхийлдэг.</p> <p>Тажикистан Улсад айлчилж байгаа төр, засгийн тэргүүн, хүндэт зочид тус улсын Төрийн ёслолын журмын дагуу хөшөөнд цэцэг өргөж, хүндэтгэл үзүүлдэг юм.</p> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_1950900609044087-1024x683.jpeg" alt="" class="wp-image-33807"/></figure> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_1118302620173318-1024x683.jpeg" alt="" class="wp-image-33806"/></figure> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_3500136283456174-1-1024x682.jpeg" alt="" class="wp-image-33803"/></figure> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_4168135230090037-1024x682.jpeg" alt="" class="wp-image-33799"/></figure> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_1021152650098006-1024x682.jpeg" alt="" class="wp-image-33794"/></figure> <figure class="wp-block-image aligncenter"><img decoding="async" src="https://president.mn/wp-content/uploads/2025/07/received_700321763010774-1024x683.jpeg" alt="" class="wp-image-33805"/></figure>