Засгийн газрын өнөөдрийн хуралдаанаар 2026 төсвийн төслийг боловсруулах явцын талаар хэлэлцлээ.  Төсвийн төсөлд төсвийн ерөнхийлөн захирагч болох аймаг, нийслэлийн Засаг дарга нар, УИХ-ын гишүүд, төрийн байгууллагуудаас саналыг нь  7 дугаар сарын 25-ны өдрөөр тасалбар болгон авч дууссан. Энэ бол төсвийн төслийг боловсруулах  эхний үе шат дууссан гэсэн үг. Хоёрдугаар шатны хэлэлцүүлэгт олон нийтийн саналыг нээлттэй  авахаар боллоо.

Төсвийн  төслийг боловсруулах явц бүрт иргэдийн оролцоог хангах хуулийн заалттай ч Ерөнхий сайд Г. Занданшатар 2026 оны төсвийн төсөлд иргэдийн оролцоог хангах талаар онцгойлон үүрэг, чиглэл өгөв. Олон нийтийн хэлэлцүүлгийг 8 дугаар сарын 1-15-ны өдөр хүртэл хүртэл цахим хэлбэрээр зохион байгуулахаар тогтлоо. / E-Mongolia, 11-11 утас зэргээр санал авах/

Мөн энэ  8 дугаар сард төсвийн ерөнхийлөн захирагч, санхүү төсвийн асуудал эрхэлсэн бүх албан тушаалтнуудыг оролцуулсан танхимын хэлэлцүүлгийг зохион байгуулах үүргийг Сангийн сайдад өгөв.

Тиймээс 2026 оны төсвийн төсөлд иргэд саналаа идэвхтэй өгөхийг уриалж байна.