Цагдаагийн байгууллагад энэ сарын 17-ны өдөр “Цахимаар сугалаанд хамрагдаад залилуулчихлаа” гэх мэдээлэл бүртгэгджээ. Тодруулбал иргэн … нь лоторей хусдаг сугалаанд оролцон, нэр бүхий этгээдийн дансанд хоёр удаагийн гүйлгээгээр 3 сая 399 мянган төгрөг шилжүүлэн, залилуулсэн байна.
Энэ төрлийн гэмт хэргийн зар мэдээлэл фэйкбүүк, инстаграм зэрэг платформд их байгаа тул иргэдийг мэдээлэлд шүүлтүүртэй хандаж, сайтар нягтлан, үл таних хүнд мөнгө шилжүүлэхгүй байхыг ЦЕГ сэрэмжлүүлэв.